Duraŭ paprasiŭ karystalnikaŭ nie vydalać Telegram i paabiacaŭ zrabić ubudavany ananimajzier
Telegram budzie vykarystoŭvać ubudavanyja mietady abychodu błakavańniaŭ, jakija nie patrabujuć dadatkovych dziejańniaŭ ad karystalnikaŭ. Pra heta paviedamiŭ va «UKantakcie» zasnavalnik mesendžara Pavieł Duraŭ.
Takoje fota Pavieł Duraŭ raźmiaściŭ u svaim «Instahramie» z podpisam: «Kab być pa-sapraŭdnamu svabodnym, ty musiš być hatovy ryzyknuć usim dziela svabody».
Niezaležna ad najaŭnaści błakiroŭki, Telegram zachavaje mahčymaść centralizavana rassyłać apaviaščeńni ŭsim rasijskim karystalnikam, infarmujučy ab raźvićci situacyi.
Duraŭ papiaredziŭ, što ŭ pieršyja hadziny paśla błakavańnia budzie vialikaja nahruzka na VPN i proksi-servisy, što, chutčej za ŭsio, pryviadzie da zapavoleńnia ich pracy. Jon taksama paprasiŭ nie vydalać i nie pieraŭstaloŭvać Telegram, navat kali ŭźniknuć prablemy z suviaźziu, a taksama svoječasova spampoŭvać abnaŭleńni ŭ App Store i Google Play.