Jak błakavańnie ŭ Rasii paŭpłyvaje na Telegram, jak jaho abyści i što buduć rabić rasijanie

Ideja stvareńnia abaronienaha mesendžara pryjšła Paŭłu Duravu, kali pad dźviaryma jaho pačali pilnavać śpiecnazaŭcy, bo ŭ svoj čas, kirujučy UKantakcie, jon usialak supraćstajaŭ namahańniam uładaŭ kantralavać dziejańni karystalnikaŭ sacyjalnaje sietki. U vyniku Duravu ŭsio ž pryjšłosia pradać svajo stvareńnie, a razam z hetym źmianić i krainu pražyvańnia.

Telegram raspačaŭ svaju pracu ŭ 2013-m, a ŭžo ŭ sakaviku 2018 hoda usim karystalnikam pryjšło paviedamleńnie: «Ciapier u Telegram 200 miljonaŭ karystalnikaŭ. Dziakuj, što raspaviadajecie pra nas siabram!» Dla paraŭnańnia: kolkaść zarehistravanych karystalnikaŭ Skype składaje kala 700 miljonaŭ čałaviek, a ŭ WhatsApp dy Viber hety pakazčyk pieravalvaje za miljard.

Miž tym Duraŭ nie raz padkreślivaŭ, što błakavańnie mesendžara ŭ Rasii mała adabjecca na jahonym suśvietnym stanoviščy: dola zarehistravanych rasijskich karystalnikaŭ davoli małaja — nie bolš za 7%, abo kala 12—14 miljonaŭ čałaviek. Ź ich aktyŭnych karystalnikaŭ (jakija zachodziać u dadatak chacia b raz na miesiac) — udvaja mienš.

Tym časam na roznych rasijskich sajtach jašče da kančatkovaha rašeńnia suda byli zapuščanyja apytańni, jakija stavili za metu vyśvietlić, jak adreahujuć rasiejcy na błakavańnie Telegram, kali heta adbudziecca. Tak, u apytańni Mail.ru uziali ŭdzieł 22 tysiačy čałaviek, ź jakich 47% prahałasavali za varyjant «Spampuju VPN i nie rasstanusia z Telegram».

Pavialičyć

Jašče adna apytanka na technałahičnym partale 4pda.ru taksama pakazvaje, što bolšaść (darečy, taksama 47%) usio ž nie płanuje mianiać mesendžar.

Pavialičyć

Rasijskija ŭłady imknucca kantralavać usio, ale z raźvićciom novych technałohij heta stanovicca niemahčymym. Telegram vykarystoŭvaje šyfravańnie peer-to-peer: siervier bačyć tolki zašyfravanuju infarmacyju i nie bačyć klučoŭ, jakija hienierujucca tolki na baku klijenta i atrymalnika, adpaviedna i pieradać ich trecim asobam nie moža.

U Rasii hetaha nie razumiejuć, a ŭsio, što im niajasna, jany spačatku zabaraniajuć, i tolki potym sprabujuć razabracca. Ale čym bolš jany zabaraniajuć, tym bolš ludziej viedajuć pra ananimajziery, VPN, Tor — jašče niadaŭna pra ich viedali adzinki.

Niadaŭna siarod rasijskich parłamientaryjaŭ było praviedzienaje apytańnie, jakoje vyjaviła, što nivodny z deputataŭ Dziarždumy nie viedaje, što takoje «klučy šyfravańnia». 

Kryptahrafičnyja klučy, jakija ŭłady Rasii chočuć atrymać ad miesiendžara, — heta sakretnyja kody, što vykarystoŭvajucca ŭ jahonych ałharytmach dla čytańnia i šyfravańnia paviedamleńniaŭ. Pavodle słovaŭ pradstaŭnikoŭ Telegram i ŭłasna Durava, kody niemahčyma vydać, bo jany ŭvieś čas mianiajucca i znachodziacca ŭ roznych jurysdykcyjach.

Jak abyści błakavańnie i praciahvać karystacca lubimym miesiendžaram?

U viersii Telegram dla nastolnych kampjutaraŭ abyści zabaronu možna praź sietkavy pratakoł SOCKS5, jaki dazvolić padklučacca da mesendžara praź sierviery, raźmieščanyja ŭ krainach, dzie jon nie zabaronieny.

Padrabiaznaja instrukcyja: 

1. Zajści ŭ Settings («Nałady»).
2. Znajści ŭ śpisie naładaŭ punkt Advanced Settings («Pašyranyja nałady») i abrać Connection Type: Default… («Typ złučeńnia: Pa zmaŭčańni…»). Na kampjutarach Mas raździeł «Pašyranyja nałady» nazyvajecca «Kanfidencyjnaść».
3. Vybrać naładu «TCP with custom socks5-proxy», a taksama pastavić ptušku na «Try connecting through IPv6» ( «Vykarystoŭvać IPv6»). Dadatak paprosić ŭvieści Hostname («Chost») i Port («Port») proksi-sierviera. Chost — heta IP-adras, abo kambinacyja ličbaŭ, padzielenych kropkami (naprykład, 50.63.167.50). Port — jašče adna kambinacyja ličbaŭ biez kropak i prabiełaŭ (naprykład, 18628). Daviedacca adras i port možna na śpiecyjalnych resursach nakštałt spys.ru abo sockslist.net. Raspracoŭščyki Telegram rekamiendujuć vybirać proksi ŭ ZŠA, Vialikabrytanii, Niamieččynie ci Šviecyi. IP-adras i port mohuć być pakazanyja asobna adzin ad adnaho, a mohuć — praz dvukropje (kali abjadnać dva papiarednim prykładzie, atrymajecca 50.63.167.50:18628). Taksama treba pierakanacca, što vy ŭviali adras i port sierviera na pratakole SOCKS5, a nie HTTPS abo HTTP.
4. Radki «Username» i «Password» («Imia» i «Parol») možna pakinuć pustymi.
5. Naciśnicie «Save» ( «Zachavać»). 

U mabilnaj viersii Telegram abyści zabaronu mahčyma z dapamohaj virtualnych pryvatnych sietak (VPN), jakija padmianiajuć sietkavy adras karystalnika tak, nibyta jon znachodzicca ŭ inšaj krainie. VPN-prahramaŭ dla Android i iOS — šmat, prosta ŭviadzicie ŭ pošukavy radok u kramach mabilnych dadatkaŭ abrevijaturu «VPN» i spampujcie prahramu, jakaja vam bolš spadabajecca (lepš, viadoma, vybirać tyja, u jakich bolš za ŭsio spampoŭvańniaŭ).

Pryčynaj patrabavańnia FSB i Raskamnahlada atrymańnia dostupu da paviedamleńniaŭ karystalnikaŭ stała toje, što, na ich pohlad, mienavita Telegram vykarystoŭvajuć terarysty i čytańnie pryvatnaj pierapiski dazvolić efiektyŭniej zmahacca sa złačynnaściu.

Pazicyja kiraŭnictva mesendžara zastajecca niaźmiennaj: patrabavańni FSB jość niekanstytucyjnymi, nie zasnavanymi na zakonie, technična i jurydyčna nieździajśnialnymi.

• 0
• 0
• 0
• 0
• 0
• 0
• 0
• 0