U Anžaliki Borys u SIZA abvastrylisia raniejšyja chvaroby
Pra stan zdaroŭja staršyni niezarehistravanaha Sajuza palakaŭ Anžaliki Borys napisała ŭ svaim fejsbuku kiraŭnik telekanała «Biełsat» Ahnieška Ramašeŭskaja.
«U Anžaliki Borys pahoršyŭsia stan zdaroŭja, akramia taho, abvastrylisia raniejšyja simptomy, źviazanyja z žanočym zachvorvańniem. Jość patreba ŭ lačeńni zuboŭ», — napisała jana.
Pavodle jaje źviestak, Anžalika Borys u vyniku pahadziłasia vyjechać u Polšču, ale ŭłady strymlivajuć hety praces i sprabujuć takim čynam šantažavać jaje kalehu, druhoha lidara SPB, žurnalista Andreja Pačobuta.
Anžaliku Borys zatrymali 23 sakavika. Jana prachodzić pa spravie za «raspalvańnie relihijnaj i nacyjanalnaj varožaści» (častka 3 artykuła 130 KK).