Hienprakuratura zaviała kryminalnuju spravu na hrupu biełaruskich palakaŭ za «raspalvańnie varožaści i apraŭdańnie hienacydu»
Hienieralnaja prakuratura raspačała kryminalnuju spravu ŭ dačynieńni da staršyni niezarehistravanaha ŭ Biełarusi sajuza palakaŭ Anžaliki Borys i inšych asob pa častcy 3 artykuła 130 KK Respubliki Biełaruś (raspalvańnie varožaści).
Borys i inšych abvinavačvajuć u praviadzieńni masavych mierapryjemstvaŭ, padčas jakich nibyta ŭšanoŭvalisia ŭdzielniki antysavieckich bandfarmavańniaŭ, a ich dziejańni nibyta pieraśledvali mety reabilitacyi nacyzmu, apraŭdańnia hienacydu biełaruskaha naroda.
«Nazvanyja hramadzianie, pazicyjanujučy siabie členami vyšejpakazanaha sajuza, z 2018 hoda pa ciapierašni čas na terytoryi horada Hrodna i inšych nasielenych punktaŭ vobłaści z pryciahnieńniem niepaŭnaletnich arhanizavali i praviali šerah niezakonnych masavych mierapryjemstvaŭ pa ŭšanavańni ŭdzielnikaŭ antysavieckich bandfarmavańniaŭ, jakija dziejničali padčas i paśla Vialikaj Ajčynnaj, jakija ździajśniali rabavańni, zabojstvy mirnaha nasielnictva Biełarusi, źniščeńnie majomaści. Ich dziejańni pieraśledvali mety reabilitacyi nacyzmu, apraŭdańnia hienacydu biełaruskaha naroda», — havorycca ŭ paviedamleńni.
Anžalika Borys była zatrymana ŭ aŭtorak i asudžana na 15 sutak.
Siońnia ŭ ramkach kryminalnaj spravy prachodzić pieratrus u domie žurnalista Andreja Pačobuta.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary