Abłomki rakiety ŭpali na terytoryi Małdovy
Paśla masiravanaha abstrełu Rasijaj Ukrainy na terytoryi Małdovy byli znojdzienyja abłomki rakiety, zajaviła MUS krainy.
Fota: MUS Małdovy
«Patrul pamiežnaj palicyi siońnia dniom vyjaviŭ u rajonie pamiežnaha siektara Łarha (rajon Bryčany) reštki rakiety, vypuščanaj padčas avijaŭdaraŭ Rasii pa Ukrainie», — havorycca ŭ zajavie MUS Małdovy.
Na terytoryi kala miažy z Ukrainaj pavialičana kolkaść patruloŭ.
Heta ŭžo treci vypadak, kali reštki rakiet paśla abstrełaŭ Ukrainy padajuć na terytoryi Małdovy, piša MUS krainy.
Taksama abłomki rakiet raniej byli vyjaŭlenyja ŭ Polščy i Biełarusi. U Polščy ŭ vyniku zdareńnia zahinuli dva čałavieki.