Aficyjnyja krynicy Biełarusi zajaŭlajuć, što siońnia ranicaj na terytoryju Biełarusi prylacieła rakieta kompleksu S-300.
Ranicaj u sacsietkach pablika Janaŭskaha rajona źjavilisia fota abłomkaŭ snarada. Paviedamlałasia, što nibyta rakietu źbili kala vioski Harbacha.
«Hrukat byŭ čuvać u poli. Duža bachnuła. Niby vyklikaŭ niechta milicyju…» — raskazaŭ «Našaj Nivie» adzin ź miascovych žycharoŭ.
U sielsaviecie čakana adkazali, što nie vałodajuć infarmacyjaj.
Paźniej inšyja fota abłomkaŭ apublikavali taksama prapahandysckija kanały, a potym fakt padzieńnia rakiety paćvierdziła pres-słužba Łukašenki.
Puł Łukašenki piša, što rakieta kompleksu S-300 upała ŭ pramiežku z 10 da 11 ranicy. Śćviardžajecca, što jana prylacieła z terytoryi Ukrainy.
Łukašenka daručyŭ stvaryć hrupu śpiecyjalistaŭ dla rasśledavańnia incydentu. Paciarpiełych niama.
Siońnia rasijskaja armija vypuściła pa Ukrainie 69 rakiet, u tym liku pa Kijeŭskaj, Žytomirskaj abłaściach, jakija miažujuć ź Biełaruśsiu. Kamandujučy ŭkrainskaj armijaj hienierał Załužny paviedamiŭ, što ŭkrainskaja supraćpavietranaja abarona źbiła 54 ź ich.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary