Niaviestka Cierciela źbirajecca ŭ Majami — BYPOL
«Bajpoł» piša, što ŭ kancy minułaha hoda Lizavieta Cierciel, niaviestka staršyni KDB, padavała dakumienty na amierykanskuju vizu ŭ ambasadzie ZŠA ŭ Astanie (Kazachstan).
Sama jana pracuje ŭ Biełteleradyjokampanii redaktaram adździeła kryminalnych navin hałoŭnaj dyrekcyi ATN — Ahienctva televizijnych navin, adnaho z hałoŭnych krynic łukašysckaj prapahandy, jakoje, u tym liku, zajmajecca raspalvańniem antyjeŭrapiejskaj i antyamierykanskaj varožaści.
U dakumientach było paznačana, što niaviestka Cierciela źbirajecca ŭ Majami z 16 červienia 2023 hoda. Jaje pajezdku i hatel źbiraŭsia apłačvać jaje muž — Mirasłaŭ Cierciel, syn staršyni KDB, jaki i sam pracuje va ŭpraŭleńni KDB pa Minsku i Minskaj vobłaści.
Staršynia KDB Ivan Cierciel. Fota: pres-słužba Łukašenki
Pa źviestkach «Bajpoła», Lizavieta Cierciel padavałasia i na šenhienskuju vizu.