«Pieramoha jašče nie zdabytaja». Kiraŭnica internet-prajektaŭ ANT zvolniłasia. I pierajechała žyć u Aŭstraliju
Śviatłana Cichanava syšła z pasady dyrektarki dyrekcyi internet-prajektaŭ ANT u vieraśni minułaha hoda.
Na telekanale dziaŭčyna prapracavała 10 hadoŭ, kiraŭnicaj dyrekcyi stała sa studzienia 2020-ha. Datul była była pres-sakratarkaj ANT.
U intervju «SB», raskazvajučy pra pośpiechi dyrekcyi, jana adznačyła intervju Marata Markava z Ramanam Pratasievičam, jakoje sabrała šmat prahladaŭ u internecie.
U adkaz na pytańnie pra pracu paśla falsifikavanych vybaraŭ 2020 hoda i masavych represij, jakija za tym pačalisia, Śviatłana padzialiłasia:
«Ja ŭdziačnaja ludziam sa svajoj dyrekcyi, jakija zastalisia i praciahvali pracavać, niahledziačy na cisk. My pabyvali na vajnie — biez strat, viadoma, nie abyšłosia, pieramoha jašče nie zdabytaja, ale my sapraŭdy stali macniejšyja ducham».
Ciapier Śviatłana žyvie ŭ aŭstralijskim horadzie Bryśbien.
Kamientavać svoj sychod z kanała dziaŭčyna nie stała.
Telekanał ANT — adzin z ruparaŭ łukašenkaŭskaj prapahandy. U siužetach apraŭdvajuć palityčnyja spravy, pakazvajuć kadry dopytaŭ sa śledčych orhanaŭ. Kiraŭnik kanała Marat Markaŭ vypuskaŭ intervju nie tolki z Pratasievičam, ale i sa spartoŭkaj Nadziejaj Astapčuk, dla jakoj hetaj hutarka, imavierna, była ŭmovaj vychadu na volu. ANT taksama paśladoŭna raspalvaje varožaść da krain Zachadu, da jakoha naležyć i Aŭstralija, što dałučyłasia da sankcyj suprać łukašenkaŭcaŭ.
Čytajcie taksama:
Dva viadučyja supracoŭniki ANT syšli z kanała i źjechali za miažu
Za hod u Polščy biełarusy adkryli bolš za 1700 firmaŭ
«Muž moj zaniatak nie padtrymaŭ, raźvialisia». Biełaruska zachapiłasia tancami i pajechała pracavać u načnym kłubie Kitaja
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie45
Kamientary