Cichanoŭskaja sustrełasia z amierykanskimi sienatarami, jakija pryjechali na samit NATA
U delehacyju Sienata ZŠA, jakaja prybyła na samit NATA ŭ Vilniu, uvachodzić šeść sienataraŭ, siarod jakich i Džyn Šechin, jaki taksama źjaŭlajecca staršynioj biełaruskaha kokusu ŭ vierchniaj pałacie amierykanskaha parłamienta. Cichanoŭskaja pryniała amierykanskich palitykaŭ u svaim vilenskim ofisie, paviedamiła pres-słužba Ofisa palityka.
Fota: pres-słužba Ofisa Śviatłany Cichanoŭskaj
Padčas sustrečy abmiarkoŭvali nieabchodnaść rašučych dziejańniaŭ z boku mižnarodnaj supolnaści pa vyzvaleńni palitviaźniaŭ i abaronie biełaruskaj niezaležnaści. Śviatłana Cichanoŭskaja raskazała pra situacyju z rasijskimi najomnikami PVK «Vahnier» i raźmiaščeńniem jadziernaj zbroi ŭ Biełarusi, a taksama pra apošnija kroki, zroblenyja pa pryciahnieńni režymu Łukašenki da adkaznaści za złačynstvy suprać čałaviečnaści, represii suprać biełarusaŭ, a taksama saŭdzieł u ahresii suprać Ukrainy.
Biełaruskaja lidarka padziakavała amierykanskamu Sienatu za padtrymku namahańniaŭ pa vyzvaleńni palitviaźniaŭ, a taksama demakratyčnych pieramienaŭ u Biełarusi. Sienatary, u svaju čarhu, vykazali padtrymku Śviatłanie Cichanoŭskaj i ŭsiamu demakratyčnamu ruchu Biełarusi i zapeŭnili, što buduć padymać pytańnie Biełarusi padčas samitu NATA.
Čytajcie taksama:
Cichanoŭskaja: Biełarusy nie zdaducca, pakul usie rasijskija akupanty nie pakinuć Biełaruś