Cichanoŭskaja: Biełarusy nie zdaducca, pakul usie rasijskija akupanty nie pakinuć Biełaruś
Nacyjanalny lidar Biełarusi zajaviła, što raźličvaje na poŭnuju padtrymku z boku zachodnich partnioraŭ, ale razumieje, što «tolki sami biełarusy mohuć zrabić Biełaruś svabodnaj».
Cichanoŭskaja na anłajn-dyskusii «Što budzie dalej ź Biełaruśsiu paśla Pryhožyna?» adznačyła, što sproba smuty PVK «Vahnier» praz Alaksandra Łukašenku skončyłasia, «napeŭna, samym niespryjalnym dla Biełarusi čynam», tak jak unutryrasijski kanflikt pierakinuŭsia na biełaruskuju terytoryju, jak paviedamlaje «Pozirk».
Pavodle jaje słoŭ, prysutnaść «najmitaŭ «Vahniera» ŭ Biełarusi moža mieć vielmi ciažkija nastupstvy» dla suvierenitetu krainy, taksama PVK stvaraje pahrozu dla susiedziaŭ.
«Biełarusy nie zdaducca, pakul usie rasijskija akupanty nie pakinuć Biełaruś. I pakul Biełaruś nie stanie svabodnaj i demakratyčnaj krainaj», — padkreśliła lidar demakratyčnych sił.
Palityk zaklikała Zachad uzmacnić sankcyi ŭ dačynieńni da Rasii nie tolki za ŭvarvańnie va Ukrainu, ale i «za sproby padarvać suvierenitet Biełarusi».
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary