Cichanoŭskaja voźmie ŭdzieł u aficyjnaj prahramie samitu NATA
Lidarka biełaruskich demakratyčnych sił Śviatłana Cichanoŭskaja voźmie ŭdzieł u aficyjnaj prahramie samitu NATA, jaki projdzie ŭ Vilni 11-12 lipienia, paviedamlaje «Biełsat».
Śviatłana Cichanoŭskaja z delehacyjaj amierykanskich sienataraŭ. Fota: Ofis Śviatłany Cichanoŭskaj
Pavodle infarmacyi «Biełsata», Cichanoŭskaja voźmie ŭdzieł u supolnym śniadanku z žančynami — ministrami abarony i zamiežnych spraŭ krain NATA. Sustreča na vysokim uzroŭni stanie častkaj aficyjnaj prahramy samitu i projdzie ranicaj u sieradu, 12 lipienia.
Raniej paviedamlałasia, što Cichanoŭskaja vystupić na adnym z kruhłych stałoŭ hramadskaha forumu NATA i na mierapryjemstvach, arhanizavanych Atłantyčnaj radaj.
Taksama pa jaje inicyjatyvie ŭ ramkach samitu projdzie dva sajd-iventy (paralelnyja mierapryjemstvy) pa Biełarusi, na jakich buduć abmiarkoŭvacca rola našaj krainy ŭ transatłantyčnaj biaśpiecy i raźmiaščeńnie na jaje terytoryi rasijskaj jadziernaj zbroi. U mierapryjemstvach voźmuć udzieł ministry, pradstaŭniki ŭradaŭ i dypmisij krain — členaŭ NATA, a taksama ekśpierty.
Siońnia Cichanoŭskaja taksama sustrełasia z delehacyjaj amierykanskich sienataraŭ, jakija pryjechali na samit.
Čytajcie taksama:
Zialenski paćvierdziŭ, što pryjedzie ŭ Vilniu na samit NATA