Słužba biaśpieki Ukrainy pryznała datyčnaść da ataki na Krymski most vosieńniu 2022 hoda
Jak piša «RBK-Ukraina», padčas hašeńnia admysłovaj paštovaj marki staršynia Słužby biaśpieki Ukrainy Vasil Maluk paćvierdziŭ, što śpiecapieracyja, jakaja skončyłasia vybucham hruzavika i abvalvańniem 250 mietraŭ darožnaha pałatna, — sprava ruk śpiecsłužbaŭ Ukrainy.
«Šmat roznych śpiecyjalnych apieracyj. Pra častku ź ich my možam havaryć paśla pieramohi, pra asobnyja ź ich my naohuł nie budziem havaryć… Heta adna z našych realizacyj, a mienavita razbureńnie Krymskaha mosta 8 kastryčnika minułaha hoda», — padkreśliŭ u svajoj pramovie Maluk.
Rasijskaje śledstva nazyvała vinavatymi ŭ dyviersii Hałoŭnaje ŭpraŭleńnie raźviedki i piersanalna jaho kiraŭnika Kiryłu Budanava. Ukrainski bok datyčnaść da ataki doŭha admaŭlaŭ.
Z taho času rasijanie paśpieli adnavić Krymski most, ale niadaŭna tam adbylisia čarhovyja vybuchi, u vyniku jakich byli paškodžanyja dva praloty. I adnavić ich budzie nibyta ciažej, čym minułym razam.
Čytajcie taksama:
Adnaŭleńnie Krymskaha mosta adkłali jašče na niekalki miesiacaŭ
Źjavilisia spadarožnikavyja zdymki paškodžanaha Krymskaha mosta FOTA