Roŭna hod tamu Miadźviedzieŭ skazaŭ viadomyja słovy pra Krymski most. U siecivie ciapier ź ich śmiajucca, a SBU trolić
Roŭna hod tamu Miadźviedzieŭ zrabiŭ viadomuju zajavu, što dla Ukrainy nastupić «sudny dzień» u vypadku napadu na Krym.
Jak piša telehram-kanał «Politika strany», u suviazi z vybucham na Krymskim moście ŭ sacsietkach abmiarkoŭvajuć zajavu namieśnika kiraŭnika Savieta biaśpieki Rasii Dźmitryja Miadźviedzieva, zroblenuju na sustrečy ź vieteranami Vialikaj Ajčynnaj vajny roŭna hod tamu —17 lipienia 2022 hoda.
«Asobnyja ekzaltavanyja kryvavyja kłoŭny jašče i sprabujuć pahražać nam, maju na ŭvazie napad na Krym, i hetak dalej. Voś chaču ŭ suviazi z hetym skazać, što jany razumiejuć nastupstvy takich zajavaŭ. A nastupstvy vidavočnyja. U vypadku, kali niešta padobnaje adbudziecca, dla ich usich tam za adzin raz nastupić «sudny dzień» — vielmi chutki i ciažki, schavacca budzie vielmi składana», — skazaŭ tady Miadźviedzieŭ.
Ci źviazany siońniašni vybuch na Krymskim moście z zajavaj Miadźviedzieva, zroblenaj hod tamu, nieviadoma.
Ukrainskija krynicy paviedamili, što ataka na most — śpiecapieracyja ŭkrainskich śpiecsłužbaŭ.
SBU apublikavaŭ u svaim kanale trolinhavy post.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary