Alina Koŭšyk abmierkavała ŭ Kijevie stvareńnie biełaruska-ŭkrainskich teleprajektaŭ
Pradstaŭnica Abjadnanaha pierachodnaha kabinieta Alina Koŭšyk padčas svajho vizitu ŭ Kijeŭ abmierkavała z pradstaŭnikom Naziralnaj rady «Suśpilnie movleńnie» i načalnikam hałoŭnaha ŭpraŭleńnia infapalityki Minkultury Ukrainy pytańni sumiesnaha televiaščańnia, paviedamiła pres-słužba Abjadnanaha pierachodnaha kabinieta.
U Kijevie Alina Koŭšyk uziała ŭdzieł u zakrytym bryfinhu ŭkrainskich ekśpiertaŭ pa infarmacyjnaj palitycy i sumiesnym supraćdziejańni prapahandzie, a taksama praviała šerah pracoŭnych sustreč.
Z namieśnikam dyrektara Ukrainskaha instytuta nacyjanalnaj pamiaci Uładzimiram Tyliščakam jana abmierkavała «mahčymaści stvareńnia sumiesnaj biełaruska-ŭkrainskaj histaryčnaj kamisii pa supraćdziejańni pierapisvańniu historyi».
U Kijevie Koŭšyk taksama naviedała Ministerstva adukacyi i navuki, dzie razmaŭlali pra «spraščeńnie pryznańnia dypłomaŭ dla biełarusaŭ, jakija słužać u vajskovych farmiravańniach va Ukrainie», vyvučeńnie historyi Biełarusi va ŭkrainskich univiersitetach.
Čytajcie taksama:
«Nam nie ŭsio adno!» 29 lipienia projdzie anłajn-marafon salidarnaści z palitviaźniami
Sachaščyk: U rasijskim vojsku miarkujuć, što Biełaruś padaryli Pryhožynu
Šrajbman nazvaŭ asnoŭnyja pamyłki demakratyčnych sił Biełarusi