«Nam nie ŭsio adno!» 29 lipienia projdzie anłajn-marafon salidarnaści z palitviaźniami
U subotu 29 lipienia niezaležnyja biełaruskija miedyja abjadnajucca ŭ 12-hadzinnym usiebiełaruskim anłajn-marafonie salidarnaści «Nam nie ŭsio adno!», kab sabrać hrošy dla palityčnych źniavolenych i ich siemjaŭ. Da efiru dałučacca błohiery, palityki, dziejačy kultury i sportu, hramadskija aktyvisty.
Tranślacyja, padčas jakoj budzie mahčymaść achviaravać, budzie vieścisia adnačasova na šmatlikich niezaležnych YouTube-placoŭkach da 10-j ranku da 10-j viečara pa minskim časie.
Ź inicyjatyvaj praviadzieńnia marafona vystupiła pradstaŭnica pa sacyjalnaj palitycy Abjadnanaha pierachodnaha kabinieta Biełarusi Volha Harbunova sa svajoj kamandaj.
U arhanizacyi i praviadzieńni marafonu ŭdzielničaje bolš za 20 niezaležnych miedyja, u tym liku i «Naša Niva».
Usie danaty buduć źbiracca na adziny rachunak, adkul sabranyja hrošy raźmiarkujucca pamiž fondami, inicyjatyvami i arhanizacyjami, jakija dapamahajuć palitźniavolenym i ich rodnym. Kantralavać raźmierkavańnie sabranych hrošaj budzie śpiecyjalna stvoranaja naziralnaja rada, u jakuju ŭvojduć pradstaŭniki miedyja-arhanizataraŭ marafonu.
Usich hledačoŭ marafona, jakija znachodziacca ŭ Biełarusi, arhanizacyjnaja hrupa zaklikaje kłapacicca pra svaju biaśpieku: nie repościć, nie łajkać i nie kamientavać tranślacyi sa svaich piersanalnych akaŭntaŭ, a danacić hrošy tolki praz kartki i rachunki siabroŭ i blizkich, jakija žyvuć za miažoj.
«Kožny dzień kolkaść palitźniavolenych u Biełarusi pavialičvajecca, jak pavialičvajecca i ich tatalnaja izalacyja. Vystupajučy ź idejaj abjadnanaha marafonu, my imknulisia pakazać, što nam nie ŭsio adno i što my budziem praciahvać prykładać usie mahčymyja vysiłki dla dapamohi i padtrymki, pakul za kratami zastajecca choć adzin palitźniavoleny, — kaža Volha Harbunova. — Mnie daviałosia prajści praź źniavoleńnie, i ja viedaju, što ratuje tam: viedać, što ciabie padtrymlivajuć na voli, što tvaim blizkim dapamahajuć, što ciabie čakajuć doma.
Ja zaprašaju ŭsich padtrymać marafon niezaležnych miedyja: raspavieści pra jaho svaim blizkim albo ŭ sacsietkach, hladzieć tranślacyju, danacić. Nam usim balić, ale vy ž viedajecie — kali dapamahaješ inšym, tabie taksama stanovicca lahčej. Za apošnija hady biełarusy i biełaruski nieadnarazova pakazali, što ŭ samyja ciažkija časy my zdolnyja abjadnoŭvacca. Bo chto, kali nie my, dapamoža našym palitźniavolenym?»
«U siłavikoŭ pavinny i tak być usie hetyja videa». Aŭtar vystaŭlenaha ŭ sieciva filma pra pratesty prakamientavaŭ hramadskuju reakcyju na svoj tvor
Źjaviŭsia kavier na pieśniu Maksima Znaka, zapisany ŭ Biełarusi VIDEA
Jeŭrapiejskija dypłamaty pryjšli da budynka suda, dzie razhladali spravu palitviaźniaŭ
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary