Patryjarch Kirył zaklikaŭ da mabilizacyi pierad «siłami zła»
U baraćbie, jakuju «raźviazali suprać Rasii siły zła», zaraz pavinny mabilizavacca ŭsie: vajskoŭcy, palityčnyja siły i Carkva, — zajaviŭ kiraŭnik RPC, jak piša RBK.
Fota: Contributor / Getty Images
Zaraz u baraćbie, raźviazanaj nibyta suprać Rasii «siłami zła», pavinny mabilizavacca ŭsio: vajskoŭcy, palityčnyja siły i Carkva, — zajaviŭ Patryjarch Maskoŭski i ŭsiaje Rusi Kirył paśla liturhii ŭ Alaksandra-Nieŭskaj łaŭry ŭ Sankt-Pieciarburhu, kudy z Ermitaža pieramiaścili raku z moščami Alaksandra Nieŭskaha.
«Siońnia pierad Rasijaj staić zadača samaja hałoŭnaja — vyjści pieramožcaj z toj baraćby, jakaja ciapier suprać nas raźviazanaja siłami zła. I zusim nie treba prymianšać składanaść momantu. Siońnia patrebna mabilizacyja ŭsich: armii, palityčnych sił. I, viadoma, Carkva pavinna być mabilizavanaja — u pieršuju čarhu dla taho, kab tvaryć malitvu za našy ŭłady, vojska, ale taksama dla taho, kab być tam, na piarednim krai», — skazaŭ kiraŭnik Ruskaj pravasłaŭnaj carkvy.
Jon nahadaŭ, što za čas bajavych dziejańniaŭ zahinuli piać vajskovych śviataroŭ.