U Lachavičach čałaviek pajšoŭ zdavacca ŭ milicyju z-za 79 kapiejek
Mužčyna ź Lachavičaŭ paviedamiŭ u milicyju, što znajšoŭ u siabie skarbonku z manietami. Jon vykazaŭ zdahadku, što vypadkova zabraŭ hrošy z taksi, a ŭčynak svoj śpisaŭ na ałkaholnaje apjanieńnie, piša «Lachavicki vieśnik».
U toj dzień mužčyna dapamahaŭ znajomamu stavić płot. Viadoma, što ŭ pracesie jany vypivali, a paźniej razyšlisia. Adzin ź ich pajechaŭ ź miesca pracy na taksi, a ciaham dnia jeździŭ jašče na niekalkich mašynach.
Paśla pryjezdu dadomu mužčyna znajšoŭ u kišeni kurtki aŭtamabilnuju popielnicu z manietami. Akazałasia, što ŭ joj było 79 kapiejek.
Dakładna vyśvietlić, adkul źjavilisia hrošy, čałaviek nie zmoh. Tady jon vyrašyŭ źviarnucca ŭ milicyju i patłumačyŭ, što moh uziać manietnicu ŭ adnym z taksi. Taksama raskazaŭ, što zabraŭ hrošy biez złoha namieru, a prosta byŭ vypiŭšy.
Znachodku zarehistravali i źmiaścili na zachoŭvańnie ŭ Lachavicki RAUS. Praŭda, znajści haspadara pakul nie ŭdałosia.
Čytajcie taksama:
U kaściole ŭ Lachavičach adklučyli zvonavyja miełodyi. Tak zapatrabavali dziaržorhany