Pinčuk u zakład pajšoŭ pa navihatary z Baranavičaŭ u Lachavičy. Sprečku prajhraŭ i apynuŭsia ŭ balnicy
Pad nahami mužčyny prałamalisia doški, jakimi byŭ nakryty stary kałodziež na terytoryi fiermy.
24 śniežnia ŭ 7:46 vyratavalnikam ad miedykaŭ chutkaj dapamohi Lachavickaj CRB pastupiła paviedamleńnie, što ŭ techničny kałodziež u v. Hałavačy pravaliŭsia čałaviek, piša «Lachavicki vieśnik».
Ratavalniki vyjechali na miesca zdareńnia, ale paciarpiełaha nie znajšli. Adkazać na zvanok jon nie moh, bo telefon paśla ekstremalnaha «kupańnia» admoviŭsia pracavać.
Paźniej vyśvietliłasia, što 31-hadovy mužčyna samastojna vybraŭsia i dajšoŭ da ahraharadka Końki. A adtul jaho zabrała chutkaja dapamoha. Ciapier jon znachodzicca ŭ rajbalnicy z abmaražeńniem palcaŭ noh.
Jak pinčuk apynuŭsia ŭ Lachavickim rajonie? Ź siabrami jon paspračaŭsia, što pieššu dojdzie z Baranavičaŭ da Lachavičaŭ pa navihatary pa pierasiečanaj miascovaści.
Ale kali jon išoŭ pa terytoryi małočnaj fiermy ŭ Hałavačach, nie zaŭvažyŭ došak, jakija prykryvali kałodziež. Tyja pad im prałamalisia, i mužčyna apynuŭsia ŭ vadzie.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary