Biełaruscy dazvolili vystupać za Polšču na Alimpijadzie ŭ Paryžy
Biełaruskaja skakucha ŭ vyšyniu Maryja Žodzik budzie pradstaŭlać Polšču na Alimpijskich hulniach u Paryžy. Takoje rašeńnie pryniała Mižnarodnaja asacyjacyja lohkaatletyčnych fiederacyj World Athletics, piša Most.
Maryja Žodzik. Fota: facebook / Mityng Gwiazd na Rynku Kościuszki
U 2024 hodzie Žodzik ustanaviła asabisty rekord, uziaŭšy płanku na 1,97 mietra, i tym samym vykanała alimpijski narmatyŭ. 20 sakavika Polski sajuz lohkaj atletyki abviaściŭ, što prezident Andžej Duda nadaŭ spartsmiency polskaje hramadzianstva.
U 2021 hodzie Žodzik zavajavała prava vystupać na Alimpijadzie ŭ Tokia ad Biełarusi, adnak funkcyjaniery Biełaruskaj fiederacyi lohkaj atletyki nie zabiaśpiečyli praceduru prachodžańnia joj dopinh-testaŭ u terminy, ustanoŭlenyja mižnarodnaj fiederacyjaj. Tamu na Alimpijadu jana nie pajechała.
U 2020 hodzie Maryja Žodzik padpisvała adkryty list spartoŭcaŭ, u jakim asudžalisia fakty falsifikacyi vybaraŭ u Biełarusi, a taksama hvałt z boku siłavikoŭ. Taksama spartoŭka asudziła vajnu Rasii suprać Ukrainy.
Z 2022 hoda Maryja žyvie i trenirujecca ŭ polskim Biełastoku.
Čytajcie taksama:
Biełaruskaja skakucha atrymała polskaje hramadzianstva i hatovaja jechać na Alimpijadu
Biełaruskaja skakucha pakazała najlepšy vynik na čempijanacie Polščy i moža pajechać na Alimpijadu
Na Alimpijadu ŭ Paryžy moža patrapić lohkaatletka ź Biełarusi. Ale nieabchodny dazvoł Dudy