Biełaruskaja skakucha atrymała polskaje hramadzianstva i hatovaja jechać na Alimpijadu
Prezident Polščy Andžej Duda daŭ polskaje hramadzianstva biełaruskaj lohkaatletcy Maryi Žodzik. Ciapier jana zmoža pradstaŭlać Polšču na Alimpijskich hulniach u Paryžy, piša Most.
20 sakavika Polski sajuz lohkaj atletyki abjaviŭ ab nadańni biełaruskaj spartoŭcy Maryi Žodzik polskaha hramadzianstva. Rašeńnie pra heta pryniaŭ prezident Polščy Andžej Duda.
«Ja vielmi radaja, što prezident padpisaŭ usie dakumienty i padaŭ mnie polskaje hramadzianstva. Ja hanarusia tym, što budu pradstaŭlać Polšču, krainu maich prodkaŭ. Ja spadziajusia, što ŭsio, što źviazana z pracedurami World Athletics, ciapier budzie hładka, i ja chutka budu startavać u futbołcy z arłom na hrudziach. Spadziajusia, usio projdzie hładka i zaŭziatary ŭbačać mianie na Hulniach u Paryžy ŭ bieła-čyrvonaj formie zbornaj Polščy», — skazała Žodzik.
Raniej jana, vystupajučy pa-za konkursam na čempijanacie Polščy, ustalavała asabisty rekord, skoknuŭšy ŭ vyšyniu na 1 m 97 sm, i vykanała alimpijski narmatyŭ. U 2024 hodzie heta treci vynik u śviecie, pakazany ŭ hetaj dyscyplinie, apiaredžvajuć Žodzik tolki ŭkrainka Jarasłava Mahučych z vynikam 2 m 04 sm i aŭstralijka Nikoła Aliślejdžers z 2 m 03 sm.
Maryja Žodzik rodam z Baranavič, ale z 2022 hoda žyvie ŭ polskim Biełastoku. U adnym ź intervju biełaruska kazała, što ŭ jaje polskija karani. U 2020 hodzie jana padpisała adkryty list spartoŭcaŭ, u jakim asudžalisia fakty falsifikacyi vybaraŭ u Biełarusi, a taksama hvałt z boku siłavikoŭ. Taksama spartoŭka asudziła vajnu Rasii suprać Ukrainy.
U 2021 hodzie tady jašče biełaruskaja skakucha ŭ vyšyniu ŭstanaviła asabisty rekord, uziaŭšy barjer 1 m 96 sm. Heta dało joj prava vystupać na Alimpijadzie ŭ Tokia ad Biełarusi, adnak funkcyjaniery Biełaruskaj fiederacyi lohkaj atletyki nie zabiaśpiečyli praceduru prachodžańnia dopinh-testaŭ u terminy, ustanoŭlenyja Mižnarodnaj fiederacyjaj. Tamu Žodzik nie trapiła na Alimpijadu ŭ Tokia.
Biełaruskaja skakucha pakazała najlepšy vynik na čempijanacie Polščy i moža pajechać na Alimpijadu
Na Alimpijadu ŭ Paryžy moža patrapić lohkaatletka ź Biełarusi. Ale nieabchodny dazvoł Dudy
Na apošniaj letniaj Alimpijadzie vystupali 108 atletaŭ ź Biełarusi, na hulni ŭ Paryžy pakul jość tolki 6 dakładnych licenzij
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary