Śviet11

Na Alimpijadu ŭ Paryžy moža patrapić lohkaatletka ź Biełarusi. Ale nieabchodny dazvoł Dudy

Biełaruskaja skakucha ŭ vyšyniu Maryja Žodzik maje ŭsie šancy adpravicca na letniuju Alimpijadu ŭ Paryžy ŭ składzie zbornaj Polščy. Što dla hetaha patrebna, spartoŭka raskazała partału Onet.

Maryja Žodzik. Fota: instahram spartoŭki

Pa słovach 27-hadovaj biełaruskaj lohkaatletki Maryi Žodzik, jakaja z 2022 hoda znachodzicca ŭ Polščy, jana zmoža ŭdzielničać u letniaj Alimpijadzie-2024 u Paryžy, kali budzie adabranaja ŭ polskuju alimpijskuju zbornuju pierad pačatkam spabornictvaŭ.

Ale dla hetaha nieabchodna vykanać niekalki ŭmoŭ — chutčej atrymać polskaje hramadzianstva i skaracić spartyŭny lhotny pieryjad, kab paśpieć zdać alimpijski minimum.

«Ja padała zajavu na atrymańnie polskaha pašparta na imia prezidenta Polščy jašče ŭ kastryčniku 2023 hoda i spadziajusia, što jana budzie zadavolenaja. U suviazi z mahčymaj źmienaj hramadzianstva, moj spartyŭny lhotny pieryjad skončycca tolki 21 červienia, i ja pavinna (u składzie polskaj alimpijskaj zbornaj — «NN») dasiahnuć nieabchodnaha alimpijskaha minimumu ŭ 1,97 mietraŭ skačku da 30 červienia», — raspaviała Maryja Žodzik partału Onet.

Uličvajučy, što dla dasiahnieńnia alimpijskaha minimumu moža zastacca ŭsiaho tolki tydzień, a Alimpijada pačniecca 26 červienia, dziaŭčyna ryzykuje prosta nie paśpieć patrapić na spabornictvy.

Pry hetym trenier spartoŭki Robiert Nazarkievič nastrojeny aptymistyčna.

«Možna čakać, što prezident Duda zadavolić zajaŭku Maryi, tym bolš, što jaje kandydaturu aktyŭna prasoŭvaje Polskaja asacyjacyja lohkaj atletyki. Taksama mahčyma skaracić pierachodny pieryjad praź śpiecyjalnaje rašeńnie Mižnarodnaj asacyjacyi lohkaatletyčnych fiederacyj (World Athletics). Kali Duda i World Athletics paśpiašajucca, to Maryja budzie ŭdzielničać u Alimpijadzie», — adznačyŭ Nazarkievič.

Robiert Nazarkievič i Maryja Žodzik. Fota: Onet.pl

Jak piša Onet, Maryja Žodzik letaś była pryznana najlepšaj lohkaatletkaj na čempijanacie krainy ŭ Poznani, skoknuŭšy ŭ vyšyniu na 1,94 mietra. A ŭ 2021 hodzie zaniała druhoje miesca na čempijanacie Biełarusi pa skačkach u vyšyniu z vynikam 1,96 mietra, adnak nie była dapuščanaja na Alimpijadu ŭ Tokia z-za niedastatkovaj kolkaści zdadzienych dopinh-testaŭ.

Ciapier dziaŭčyna žyvie ŭ Biełastoku. Pierad znajomstvam z Robiertam Nazarkievičam jana pracavała ŭ Makdonaldsie.

Za svoj čas znachodžańnia ŭ Polščy Maryja dvojčy naviedvała svaju siamju ŭ Baranavičach, dzie aproč maci i baćki žyvuć jaje małodšyja brat i siastra. Babula i dziadula spartoŭki mieli polskaje pachodžańnie.

Pa pryznańni dziaŭčyny, jana choča mieć takija ž pierśpiektyvy ŭ polskim sporcie, jak i Kryścina Cimanoŭskaja.

Kamientary1

  • Viadźmar
    27.01.2024
    Małajčyna! Pośpiechaŭ tabie!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna5

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna

Usie naviny →
Usie naviny

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

U Biełarusi chočuć pastrožyć praviły vydačy pazyk

Vy kažacie, što ŠI zamienić čałavieka? Vy nie razumiejecie natury čałavieka3

bolš čytanych navin
bolš łajkanych navin

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna5

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna

Hałoŭnaje
Usie naviny →

Zaŭvaha:

 

 

 

 

Zakryć Paviedamić