Biełarusam stali radziej admaŭlać u amierykanskaj vizie
Pracent admoŭ u vydačy biełaruskim hramadzianam karotkaterminovych viz ZŠA skaraciŭsia, adnak ža i ahulnaja kolkaść vydadzienych viz taksama adčuvalna źniziłasia — mahčyma, praź mienšuju kolkaść padadzienych zajaŭ, piša Myfin.by.
Fota: freepik.com
Danyja konsulskaha biuro Dziaržaŭnaha departamienta ZŠA śviedčać pra toje, što hramadzianam Biełarusi stali radziej admaŭlać u vydačy amierykanskich viz katehoryj B1 i B2 (dziełavyja pajezdki i turyzm).
Tak, dola admovaŭ biełarusam u vydačy nazvanych viz u 2024 finansavym hodzie (pieryjad z 1 kastryčnika 2023 hoda pa 30 vieraśnia 2024 hoda) skłała 28,79%. Pry hetym u papiarednim hodzie jana była prykmietna vyšejšaj — 32,8%.
U 2022 finansavym hodzie vypadkaŭ admovy ŭ vydačy vizy było 26,05%, u 2021-m — 16,81%, u 2020-m — 27,01%, u 2019-m — 21,93%.
Dla paraŭnańnia, dola hramadzian Rasii, jakim było admoŭlena ŭ amierykanskaj vizie, u 2024 finansavym hodzie skłała 38,56%, a ŭ 2023-m — 39,49%.
U toj ža čas kolkaść vydadzienych našym suajčyńnikam viz B1/B2 u 2024 finansavym hodzie skaraciłasia na 9% u paraŭnańni z papiarednim spravazdačnym pieryjadam — z 7,8 tys. da prykładna 7,1 tys.