Eks-chakieista moładzievaj zbornaj Biełarusi sudziać za ŭdzieł u pratestach
30-hadovy Aleh Bujak hulaŭ u 2010-ja za babrujski «Dynama-Šyńnik», hrodzienski «Nioman», žłobinski «Mietałurh» i «Lidu».
Aleh Bujak. Fota: jaho sacsietki
U sudzie Kastryčnickaha rajona Hrodna źbirajucca sudzić čarhovuju partyju ŭdzielnikaŭ pratestaŭ. 31 studzienia 2025 na łavie padsudnych buduć čatyry čałavieki — Aleh Bujak, Nastaśsia Bujak, Juryj Chramovič i Jaŭhien Barel.
Usim im inkryminujecca ŭdzieł u pratestach (č.1 art. 342 Kryminalnaha kodeksu). Mahčymaje pakarańnie — ad aryštu da 4 hadoŭ kałonii. Sudździa — Uładzimir Paźniak.
Źviartaje na siabie ŭvahu Aleh Bujak — heta były prafiesijny chakieist. U maładym uzroŭni jon byŭ pierśpiektyŭnym spartsmienam — vystupaŭ za zbornuju Biełarusi 18-hadovych i 20-hadovych, udzielničaŭ u čempijanacie śvietu. Bujak hulaŭ za babrujski «Dynama-Šyńnik», hrodzienski «Nioman», žłobinski «Mietałurh» i «Lidu». U 2017 hodzie jon skončyŭ karjeru.
Aleh Bujak, fota: sacsietki
Čytajcie taksama:
Za ŭdzieł u pratestach sudziać 29-hadovuju nastaŭnicu staličnaj himnazii
Minčuka, jaki adkazvaŭ za biaśpieku pasažyraŭ u aeraporcie «Minsk», sudziać za palityku