Za ŭdzieł u pratestach sudziać 29-hadovuju nastaŭnicu staličnaj himnazii
Hanna Padalaka pracuje ŭ himnazii №29 piedahoham-arhanizataram.
20 studzienia 2025 hoda ŭ sudzie Frunzienskaha rajona Minska pačynajecca palityčny praces nad 29-hadovaj Hannaj Padalakaj.
Hanna rodam ź Minska. Skončyła Biełaruski dziaržaŭny piedahahičny ŭniviersitet imia Maksima Tanka ŭ 2017 hodzie. Dziaŭčyna była nastaŭnikam-defiektołaham u jaśli-sadku ŭ Rakavie (Vałožynski rajon), paśla viarnułasia ŭ stalicu. Hanna pracavała ŭ škole №55, a ciapier paznačana na sajcie staličnaj himnazii №29 jak piedahoh-arhanizatar. «Najlepšy siabar dziaciej», — adznačajecca pad jaje imieniem.
Chobi Hanny — karejskaja kultura. Jana ŭdzielničała ŭ konkursach pasolstva, pisała na sajcie amataraŭ Karei.
Apošni raz dziaŭčyna była anłajn 18 śniežnia 2024 hoda. Ciapier palityčnyja spravy pastaŭlenyja na kanviejer — pamiž aryštam i prysudam moža prajści ŭsiaho miesiac.
Hańnie inkryminujecca ŭdzieł u pratestach (č.1 art. 342 Kryminalnaha kodeksu). Mahčymaje pakarańnie — ad aryštu da 4 hadoŭ kałonii. Sudździa — Taćciana Pałulech.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary