Siarhiej Ałdasieŭ moža atrymać da 4 hadoŭ kałonii.
U sudzie Lidskaha rajona 9 studzienia 2025 hoda pačynajuć sudzić Siarhieja Alaksiejeviča Ałdasieva. Jamu inkryminujecca «publičnaja abraza Alaksandra Łukašenki» (art. 368 č. 1 Kryminalnaha kodeksa Biełarusi). Pakarańnie moža być samaje raznastajnaje — i štraf, i vypraŭlenčyja raboty, i aryšt, i chimija na termin da 4 hadoŭ, i kałonija na termin da 4 hadoŭ.
«Biełpoł» paćvierdziŭ «Našaj Nivie», što ŭ Biełarusi žyvie tolki adzin Siarhiej Alaksiejevič Ałdasieŭ. Heta 38-hadovy lotčyk, jaki pa stanie na 2020 hod słužyŭ u 61-j źniščalnaj avijacyjnaj bazie ŭ Baranavičach.
Ałdasieŭ skončyŭ avijacyjny fakultet Vajennaj akademii Biełarusi. Admietna, što jaho adnakurśnikam byŭ budučy paśmiarotny Hieroj Biełarusi Andrej Ničyparčyk, jaki zahinuŭ u 2021 hodzie, advodziačy niaspraŭny Jak-130 ad žyłych damoŭ u Baranavičach.
Ałdasieŭ udzielničaŭ u paradach na Dzień niezaležnaści. U 2018-m atrymaŭ kvalifikacyju vajskovaha lotčyka druhoha statusa — heta značyć, mieŭ patrebny nalot i byŭ padrychtavany da viadzieńnia bajavych dziejańniaŭ dniom u składanych mieteaŭmovach i ŭnačy ŭ prostych mieteaŭmovach. Na toj momant u jaho było zvańnie majora.
Ci zastavaŭsia Siarhiej Ałdasieŭ u vojsku paśla 2020 hoda, nieviadoma.
Piać byłych siłavikoŭ prasili svaich kaleh nie być zališnie žorstkimi. Ciapier im pahražajuć vielizarnyja terminy
Minskaha kryminalnaha aŭtaryteta padazrajuć u zabojstvie 27-hadovaj daŭniny i piedafilii. I navat troški ŭ palitycy
U Oršy za palityku sudziać praŭładnaha błohiera, jaki nazyvaŭ siabie «pamahatym kryvavaha režymu Łukašenki»
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary