U Litvie zatrymali bujnuju partyju kantrabandnych biełaruskich cyharet

Cyharety pieravozili na dvuch hruzavikach. Heta samaja vialikaja partyja nielehalnych cyharet na litoŭskaj mytni z pačatku hoda. 

Jak paviedamlaje mytnia Litvy, u noč z 12 na 13 lutaha na trasie A1 niedaloka ad horada Vievis z metaj pravierki byli spynienyja dva hruzaviki. Kiroŭcy zajavili, što viazuć ź Vilni ŭ Polšču pulvieryzatary.

U relizie mytnaj słužby Litvy paviedamlajecca, što padčas pieršasnaha ahladu transpartu mytniki zaŭvažyli, što abodva paŭpryčepy fur byli zapoŭnienyja raznastajnymi cyharetami ź Biełarusi. 

Transpartnyja srodki nakiravali na KPP u Miedniki dla detalovaha ahladu, dzie i vyśvietliłasia, što ŭ hruzavikach u 2520 skrynkach było schavana 1,26 młn pačak cyharet.

Košt usioj partyi kantrabandnych cyharet skłaŭ 5,64 młn jeŭra.

Kamientary da artykuła