Hramadstva

Na biełaruska-polskaj miažy ŭ čatyry razy mienš stali vyjaŭlać kantrabandnyja cyharety

U 2024 hodzie pamiežnaja słužba Polščy vyjaviła na miažy ź Biełaruśsiu ŭ dva razy mienš kantrabandnych tavaraŭ, čym u 2023 hodzie, vynikaje sa statystyki viedamstva. Usiaho ŭdałosia spynić uvoz i vyvaz pradukcyi nielehalnaha pachodžańnia na sumu 15,5 młn złotych (kala 3,7 młn dalaraŭ), piša Most.

Fota ilustracyjnaje

Macniej za ŭsio skaraciŭsia nielehalny ŭvoz cyharet. Koštavy abjom vyjaŭlenaj kantrabandy pamienšyŭsia amal u čatyry razy — z 24,5 młn złotych (kala 6 młn dalaraŭ) da 6,3 młn (kala 1,5 młn). Na 35% źmienšyŭsia koštavy abjom vyjaŭlenaha kantrabandnaha tytuniu — z 38,2 tys. złotych (kala 9,2 tys. dalaraŭ) da 25 tys. (kala 6 tys.).

Kantrabanda ałkaholu taksama skaraciłasia bolš čym u čatyry razy — z 10,1 tys. złotych (kala 2,4 tys. dalaraŭ) da 2,5 tys. (kala 600 dalaraŭ).

Tym nie mienš, nielehalny vyvaz u Biełaruś praz polska-biełaruskuju miažu zachoŭvajecca. Naprykład, pieramiaščeńnie transpartnych srodkaŭ z parušeńniem zakona navat pavialičyłasia. Za minuły hod na miažy było zatrymana 46 transpartnych srodkaŭ, a ŭ 2023 hodzie — 44. Ich ahulny košt vyras na 63% — z 5,4 młn złotych (kala 1,3 młn dalaraŭ) da 8,8 młn (kala 2,1 młn).

Jak praviła, havorka idzie pra mašyny, jakija byli ŭkradzienyja ŭ krainach ES. Časta im pierabivajuć VIN-numary i padrablajuć dakumienty. Časam złačyncy ustaloŭvajuć ruchaviki z ukradzienych transpartnych srodkaŭ na inšyja.

Nielehalnaje pieramiaščeńnie praź biełaruska-polskuju miažu ŭ abodvuch napramkach inšych tavaraŭ źniziłasia z 649,7 tys. złotych (kala 157,1 dalara) da 389,1 tys. (kala 94,1), abo na 40%.

Raniej stała viadoma, što padobnyja pracesy źmianšeńnia abjomu vyjaŭlenaj kantrabandy nazirajucca i na biełaruska-litoŭskaj miažy.

Kamientary

Ciapier čytajuć

Cichanoŭski raskazaŭ, jak siabie pavodziŭ Kola Łukašenka na sustrečy ŭ SIZA7

Cichanoŭski raskazaŭ, jak siabie pavodziŭ Kola Łukašenka na sustrečy ŭ SIZA

Usie naviny →
Usie naviny

Astranaŭtka zrabiła FOTA redkaj kaśmičnaj małanki

Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia48

Sachaščyk pačaŭ prodažy kvater u svaim novym prajekcie pad Varšavaj18

Hiermanija straciła pieršaje miesca ŭ Jeŭrasajuzie pa papularnaści siarod biežancaŭ4

Padborka desiertaŭ ź lasnymi jahadami2

Dvoje pažyłych amierykancaŭ uklučyli abahravalnik na 1000 hradusaŭ i zahinuli8

Ci možna sa svajoj ježaj u kino — jurystka patłumačyła na kankretnym prykładzie

Ukraina paśpiachova atakavała aeradrom Barysahlebsk pad Varoniežam

Pamior Andrej Barduchajeŭ-Aroł

bolš čytanych navin
bolš łajkanych navin

Cichanoŭski raskazaŭ, jak siabie pavodziŭ Kola Łukašenka na sustrečy ŭ SIZA7

Cichanoŭski raskazaŭ, jak siabie pavodziŭ Kola Łukašenka na sustrečy ŭ SIZA

Hałoŭnaje
Usie naviny →

Zaŭvaha:

 

 

 

 

Zakryć Paviedamić