Na biełaruskim aŭkcyjonie chočuć pradać stary płašč za 30 tysiač rubloŭ

Žycharka Homielskaj vobłaści raźmiaściła na aŭkcyjonnaj placoŭcy Ay.by abjavu pra prodaž płašča, pašytaha, jak adznačana, u 1950-ch hadach. Reč vyhladaje zusim zvyčajna, ale cana jaje dzivić, piša Smartpress.by.

Fota: Ay.by

Za šery płašč u «vydatnym stanie» pradaviec prosić ažno 30 tysiač rubloŭ.

Dla paraŭnańnia: prykładna takuju ž sumu prosiać za pinžak Chanel 1990-ch hadoŭ, a sučasny mužčynski płašč ad Boss abyjdziecca amal u dziesiać razoŭ tańniej — kala 3,5 tysiačy rubloŭ.

Fota: Ay.by

Na adnym z fota bačnaja emblema vytvorcy — «Družba». Takoj markiroŭkaj paznačali adzieńnie, impartavanaje ŭ SSSR z Kitaja.

Fota: Ay.by

Aŭkcyjon zavieršycca 22 lutaha. Miarkujučy pa kamientarach, płašč znachodzicca ŭ prodažy ŭžo z krasavika 2023 hoda.

Hety ž pradaviec vystaviŭ na aŭkcyjon dźvie sukienki 1950-ch hadoŭ. Pryčym ich cana jašče vyšejšaja — za kožnuju prosiać 33 tysiačy rubloŭ.

Fota: Ay.by

Stan adnoj z hetych sukienak paznačany jak «novaja», druhoj — «vydatny».

Kamientary da artykuła