Christie's abjaviŭ aŭkcyjon tvoraŭ mastactva, stvoranych z dapamohaj štučnaha intelektu. Mastaki pratestujuć
Raniej Christie's užo vystaŭlaŭ tvory mastactva, stvoranyja z dapamohaj ŠI, ale ŭpieršyniu płanuje pravieści aŭkcyjon, pryśviečany vyklučna takim pracam. Heta padabajecca daloka nie ŭsim.
Na aŭkcyjonie Augmented Intelligence («Dapoŭnieny intelekt»), jaki projdzie z 20 lutaha da 5 sakavika 2025 hoda, Christie's płanuje vystavić 20 łotaŭ acenačnym koštam ad $10 tysiač da $250 tysiač, piša The Guardian.
Adnak nie ŭsim spadabalisia takija płany. Niekatoryja mastaki raźmiaścili adkryty list, u jakim raskrytykavali aŭkcyjon i zaklikali jaho admianić. Jany ličać, što mnohija z tvoraŭ stvorany z dapamohaj štučnaha intelektu, jaki navučaŭsia na abaronienych aŭtarskim pravam rabotach. Raspracoŭščyki madelaŭ, vykarystoŭvajučy hetyja raboty biez dazvołu i apłaty, nibyta «ekspłuatujuć mastakoŭ».
List užo sabraŭ bolš za 4000 podpisaŭ. Jak adznačaje The Guardian, u lik padpisantaŭ uvajšli mastački Karła Orcis i Keli MakKiernan, jakija raniej padavali ŭ sud na kampanii, jakija zajmajucca raspracoŭkaj štučnaha intelektu, zajaŭlajučy, što ich raboty byli vykarystanyja biez dazvołu dla navučańnia niejrasietak.
U Christie's u adkaz na heta zajavili, što aŭtary pradstaŭlenych na aŭkcyjonie rabot vykarystoŭvali štučny intelekt dla «palapšeńnia» svaich ułasnych tvoraŭ, i «ŭ bolšaści vypadkaŭ» madeli navučalisia mienavita na ich.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary