Rute paraiŭ Zialenskamu znajści sposab adnavić adnosiny z Trampam

Hienieralny sakratar NATA Mark Rute zaklikaŭ prezidenta Ukrainy Uładzimira Zialenskaha adnavić stasunki z prezidentam ZŠA Trampam i nazvaŭ ich publičnuju svarku ŭ žyvym efiry «vartaj škadavańnia». 

Mark Rute. Fota: AP

«Ja vyrazna skazaŭ jamu, što my sapraŭdy pavinny pavažać toje, što prezident Tramp užo zrabiŭ dla Ukrainy… Ja absalutna pierakanany, što ZŠA chočuć pryvieści Ukrainu da praciahłaha miru. I važna, kab prezident Zialenski znajšoŭ sposab adnavić svaje stasunki z amierykanskim prezidentam», — zajaviŭ Rute.

Mark Rute paviedamiŭ Bi-bi-si, što dvojčy razmaŭlaŭ z prezidentam Ukrainy Uładzimiram Zialenskim paśla sustrečy ŭ Biełym domie.

Jon dadaŭ, što dazvoł pieršaj administracyi Trampa na prodaž supraćtankavaj rakietnaj sistemy Javelin daŭ Ukrainie mahčymaść «dać adpor».

«My sapraŭdy pavinny addać Trampu naležnaje», — dadaŭ jon.

Kamientary da artykuła