Рутэ параіў Зяленскаму знайсці спосаб аднавіць адносіны з Трампам
Генеральны сакратар НАТА Марк Рутэ заклікаў прэзідэнта Украіны Уладзіміра Зяленскага аднавіць стасункі з прэзідэнтам ЗША Трампам і назваў іх публічную сварку ў жывым эфіры «вартай шкадавання».
Марк Рутэ. Фота: AP
«Я выразна сказаў яму, што мы сапраўды павінны паважаць тое, што прэзідэнт Трамп ужо зрабіў для Украіны… Я абсалютна перакананы, што ЗША хочуць прывесці Украіну да працяглага міру. І важна, каб прэзідэнт Зяленскі знайшоў спосаб аднавіць свае стасункі з амерыканскім прэзідэнтам», — заявіў Рутэ.
Марк Рутэ паведаміў Бі-бі-сі, што двойчы размаўляў з прэзідэнтам Украіны Уладзімірам Зяленскім пасля сустрэчы ў Белым доме.
Ён дадаў, што дазвол першай адміністрацыі Трампа на продаж супрацьтанкавай ракетнай сістэмы Javelin даў Украіне магчымасць «даць адпор».
«Мы сапраўды павінны аддаць Трампу належнае», — дадаў ён.
Чытайце таксама:
Зяленскі пасля звадкі з Трампам стэлефанаваўся з прэзідэнтам Францыі і генсакам НАТА
Марк Рутэ пасля размовы з Трампам анансаваў мільярды дапамогі Украіне
Краіны Балтыі незадаволеныя, што іх не запрасілі на саміт па Украіне ў Лондане