Śviet99

Krainy Bałtyi niezadavolenyja, što ich nie zaprasili na samit pa Ukrainie ŭ Łondanie

Vialikabrytanija nie zaprasiła Łatviju, Litvu i Estoniju na samit pa Ukrainie, jaki projdzie ŭ Łondanie 2 sakavika. Heta rašeńnie vyklikała «surjoznuju niezadavolenaść» z boku bałtyjskich krain, paviedamlaje Sky News sa spasyłkaj na dypłamatyčnuju krynicu.

Premjer-ministr Vialikabrytanii Kir Starmier. Fota: Carl Court/Pool Photo via AP

«Rasija i naša hramadstva jasna ŭbačać, što nam zdradzili nie tolki ZŠA, ale i Vialikabrytanija z Francyjaj», — zajaviła krynica na ŭmovach ananimnaści.

Surazmoŭca vydańnia raskazaŭ, što premjer-ministr Vialikabrytanii Kir Starmier płanuje pravieści telefonnyja pieramovy ź lidarami Łatvii, Litvy i Estonii, ale adznačyŭ, što heta nie kampiensuje ich adsutnaść na samicie.

«My vielmi niezadavolenyja tym, što lidaraŭ krain Bałtyi nie zaprasili», — padkreśliła krynica.

Pavodle jaje źviestak, Francyja biare aktyŭny ŭdzieł u arhanizacyi sustrečy na Daŭninh-stryt, padčas jakoj płanujecca abmierkavać padtrymku Ukrainy i mahčymaść stvareńnia mižnarodnych miratvorčych sił, jakija mohuć być razhornutyja na terytoryi Ukrainy, kali ZŠA dasiahnuć damoŭlenaści pamiž Kijevam i Maskvoj.

Taksama siarod klučavych tem samitu budzie stajać pytańnie jeŭrapiejskaj biaśpieki. Heta asabliva aktualna paśla taho, jak prezident ZŠA Donald Tramp zajaviŭ, što jeŭrapiejskim sajuźnikam pa NATA nieabchodna ŭziać na siabie bolšuju adkaznaść za ŭłasnuju biaśpieku, a nie raźličvać na vajskovuju moc ZŠA.

U śpis zaprošanych krain uvajšli Narviehija, Finlandyja, Šviecyja i Polšča. Adnak krynica zaśviedčyła, što i Chielsinki, i Varšava raniej publična zajavili, što nie majuć namieru adpraŭlać svaje vojski ŭ skład mahčymych mižnarodnych miratvorčych sił va Ukrainie.

Pry hetym surazmoŭca Sky News padkreśliŭ: bałtyjskija krainy raspracavali svoj płan.

«Łatvija, Litva i Estonija — adny z najbolš aktyŭnych prychilnikaŭ Ukrainy, kali ŭličvać pamier ich ekanomik i vajskovuju dapamohu Kijevu. Lubyja rašeńni, jakija buduć pryniatyja na samicie, niepasredna zakranajuć našu biaśpieku», — skazaŭ dypłamat.

Premjer-ministr Vialikabrytanii Kir Starmier, jaki viarnuŭsia napiaredadni z Vašynhtona, praviadzie samit u Łondanie ŭ niadzielu, 2 sakavika. U stalicy Vialikabrytanii, jak čakajecca, źbiarucca lidary bolš za dziesiaci jeŭrapiejskich krain. Hałoŭnaj temaj sustrečy stanie situacyja va Ukrainie i harantavańnie biaśpieki Jeŭropy. Na samit zaprošany i ŭkrainski prezident Uładzimir Zialenski.

Kamientary9

  • babrujčanin
    01.03.2025
    )) Ničoha dziŭnaha ...Krainy Bałcyi.pry arentavaliś na ZŠA znachodziačyś u €źviazie.i padzarablali z rf
    ))) Niechta adtul ni žazvolim zabaronim...
    I heta tolki pačatak " 53 aktyvisty"...hatujcieś
  • Spačatku viarniciesia da demakratyi
    01.03.2025
    A ja zadavoleny
  • ???
    01.03.2025
    Vy nie pravy GB dajot im instrukcii.

Ciapier čytajuć

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet6

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Usie naviny →
Usie naviny

Ci sapraŭdy ŭ Turcyi sioleta paŭpustyja plažy?

Pientahon pavinšavaŭ amierykancaŭ z Dniom Ściaha vyjavaj rasijskaha fłaha4

«My tak i pa Minsku projdziemsia». U Varšavie adbyŭsia vialiki hiej-prajd, było šmat bieł-čyrvona-biełych ściahoŭ FOTY30

Biełaruski śviatar rastłumačyŭ, ci možna dzieciam hulać z šalona papularnymi monstrykami łabubu8

Što budzie, kali nie kasić travu, vyšejšuju za 20 santymietraŭ?3

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku3

Izrail nanosić udary pa Iranie i Jemienie4

Tramp i Pucin hadzinu havaryli praz telefon7

«Čarnahoryja nikomu nie choča davać prytułku». Biełaruska raskazała pra pieravahi i składanaści žyćcia ŭ hetaj krainie1

bolš čytanych navin
bolš łajkanych navin

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet6

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Hałoŭnaje
Usie naviny →

Zaŭvaha:

 

 

 

 

Zakryć Paviedamić