Za kolki pradajuć chruščoŭki, jakija ŭłady padumvajuć znosić
Chruščoŭki nie samaje kamfortnaje, ale adnosna tannaje žytło, jakoje, jak praviła, mieścicca niepadalok ad centru. Ciapier čynoŭniki razhladajuć ideju renavacyi pa prykładzie Rasii — znosić chruščoŭki i pierasialać žycharoŭ. «Naša Niva» pahladzieła, pa jakich cenach pradajuć hetyja kvatery.
Ilustracyjny zdymak. Fota: realt. by
Cahlanyja chruščoŭki — redkaść
Chruščoŭki budavali z 1955 pa 1977 hady. U Minsku naličvajecca amal 1100 takich budynkaŭ, što składaje kala 16% ad ahulnaha žyllovaha fondu stalicy. Bolšaść chruščovak u Minsku panelnyja — 890 štuk.
Amal kožnaja piataja kvatera, pradadzienaja ŭ Minsku, heta chruščoŭka.
Raniej u «Biełžyłprajekcie» raspaviadali, što termin słužby takich damoŭ składaje 125 hadoŭ.
Što pačym?
Ceny na adnapakajovyja chruščoŭki ŭ Minsku startujuć z 50 tysiač dalaraŭ. Stolki prosiać za kvatery, jakija patrabujuć nieadkładnaha ramontu.
Fota: skrynšot z sajta realt.by
Bolšaść adnapakajovych chruščovak u stalicy pradaŭcy aceńvajuć u dyjapazonie 55-60 tysiač dalaraŭ.
Siaredni košt mietra ŭ takich kvaterach pavodle realnych ździełak składaje kala 1700$. Ahułam pa horadzie kvadrat u adnapakajoŭkach kaštuje 1780$.
Ceny na dvuchpakajovyja chruščoŭki ŭ Minsku pačynajucca z 55 500 dalaraŭ.
Naprykład, stolki prosiać za kvateru pa adrasie Haładzieda, 25. Mieścicca jana na piatym paviersie panelnaha doma, jaki jašče nie prajšoŭ praz kapramont. Ramont u pamiaškańni taksama vielmi stary. Padłoha draŭlanaja, a ŭ haścioŭni staić staroje draŭlanaje akno.
Fota: realt.by
Alo ŭ hetaj kvatery jość prynamsi adzin plus — płaniroŭka, bo ŭ joj niama prachadnych pakojaŭ. Ahulnaja płošča takoj kvatery składaje 44,5 m².
Kvatery ŭ centry Minska ŭ damach paśla kapramontu pradajuć pa cenach ad 75 tysiač.
Fota: skrynšot z sajta realt.by
Siaredni košt mietra ŭ dvuchpakajovych chruščoŭkach składaje 1420 dalaraŭ. Tady jak ahułam u dvuškach pa Minsku — 1555 dalaraŭ, što amal na 10% daražej.
Ceny na chruščoŭki z tryma pakojami startujuć ad 65 000 dalaraŭ. Stolki prosiać za typovyja «babušatniki», jakija patrabujuć kapitalnaha ramontu.
Fota: skrynšot z sajta realt.by
Trochpakajoŭki, jakija pradajuć pa cenach da 70 tysiač dalaraŭ, možna pieraličyć na palcach.
Siaredni košt mietra ŭ takich kvaterach pavodle realnych ździełak składaje 1330 dalaraŭ. Ahułam ža pa Minsku kvadrat u trochpakajoŭkach pradajecca ŭ siarednim za 1430 dalaraŭ.
Adnak chapaje varyjantaŭ, jakija aceńvajuć u bolš jak 100 tysiač dalaraŭ. Tak, naprykład, trochpakajovuju chruščoŭku na 58,4 m² pa adrasie Partyzanski praśpiekt, 39 pradajuć za 115 tysiač.
Interjery chruščoŭki za 115 tysiač dalaraŭ. Fota: realt.by
Na vysokuju canu paŭpłyvali adrazu niekalki faktaraŭ: raźmiaščeńnie ŭ centralnaj častcy horada, pierapłaniroŭka i dobry sučasny ramont. U dadatak sam dom cahlany, a nie panelny, dy jašče i paśla kapitalnaha ramontu ŭ 2023 hodzie.
Pahladzieć, jak biełarusy robiać z chruščovak sučasnyja jeŭrakvatery možna tut.
Čytajcie taksama:
U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ
Dośvied Maskvy. Što abvieščanaja renavacyja moža prynieści haradam Biełarusi
Jak biełarusy robiać z chruščovak sučasnyja jeŭrakvatery FOTY