U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ
Žyllovaja palityka Biełarusi da 2030 hoda praduhledžvaje pierasialeńnie haradžan u vioski i znos chruščovak. Pra heta raspaviała deputatka Pałaty pradstaŭnikoŭ Anžalina Syramiatnikava.
Zaraz Ministerstva architektury i budaŭnictva raspracoŭvaje kancepcyju dziaržaŭnaj žyllovaj palityki ŭ Biełarusi da 2030 hoda.
Pa słovach Syramiatnikavaj, u hetaj kancepcyi buduć try asnoŭnyja kirunki: deŭrbanizacyja, renavacyja i pavieličeńnie abjomaŭ budaŭnictva arendnaha žylla.
U vialikich haradach chočuć budavać mienš kvater. Ciapier pryjarytet budzie na harady-spadarožniki i vioski. Heta, pa mierkavańni čynoŭnikaŭ, dapamoža viarnuć kadry ŭ sielskuju miascovaść.
Tyja damy, jakija nie maje sensu ramantavać, chočuć znosić. Havorka tut pra chruščoŭki. Renavacyju chočuć pravodzić «pa šlachu Rasii»:
«Heta spadčyna savieckaha minułaha vyčarpała siabie jak maralna, pakolki maje małahabarytnyja i prachadnyja pakoi, tak i fizična — układańnie finansavych srodkaŭ u kapramont niemetazhodna», — adznačyła Syramiatnikava.
Kamientary
Ludzi spradvieku žyli tolki ŭ polisach, haradach.
A toje, što siońnia isnujuć vioski - rudzimient minułaha, kali ludziej hadavali jak skot, kab jany pracavali ŭ poli.