Łukašenka padpisaŭ ukaz ab viasnovym pryzyvie
Alaksandr Łukašenka 6 sakavika padpisaŭ ukaz «Ab zvalnieńni ŭ zapas i pryzyvie na terminovuju vajskovuju słužbu, słužbu ŭ reziervie», paviedamiła pres-słužba palityka.
Navabraniec padčas prysiahi. Fota: pres-słužba MUS
Dakumientam praduhledžvajecca pryzvać u sakaviku-mai 2025 hoda na terminovuju vajskovuju słužbu, słužbu ŭ reziervie hramadzian Biełarusi mužčynskaha połu, jakim da dnia pryzyvu spoŭniłasia 18 hadoŭ i jakija nie majuć prava na adterminoŭku ad pryzyvu. Akramia taho, pad pryzyŭ traplajuć hramadzianie pryzyŭnoha ŭzrostu, jakija stracili prava na adterminoŭku.
Taksama na słužbu ŭ reziervie mohuć pryzyvacca hramadzianie ź liku studentaŭ 1-ha kursa ŭstanoŭ vyšejšaj adukacyi sielskahaspadarčaha profilu, jakija majuć prava na adterminoŭku ad pryzyvu dla praciahu adukacyi i vykazali žadańnie prajści takuju słužbu.
Adnačasova ŭkazam praduhledžvajecca zvalnieńnie ŭ zapas vajskoŭcaŭ terminovaj vajskovaj słužby i reziervistaŭ, jakija vysłužyli ŭstanoŭlenyja terminy.
Čytajcie taksama:
Pad Łunincam vajskoŭcy ŭ procivahazach pravodziać dezynfiekcyju i deaktyvacyju
Chrenin pra vajskovyja zbory: Fiksujem biesprecedentnaje žadańnie ludziej
U Minsku ratyfikavali damovu, jakaja dazvalaje RF stvarać u Biełarusi vajennyja abjekty