Chrenin pra vajskovyja zbory: Fiksujem biesprecedentnaje žadańnie ludziej
Ministr abarony padčas inśpiekcyi 230-ha ahulnavajskovaha palihona prakamientavaŭ chod pravierki bojehatoŭnaści Uzbrojenych sił i pryzyŭ vajskoŭcaŭ zapasu.
«My ŭ značnaj stupieni pierahledzieli sistemu padrychtoŭki Uzbrojenych sił. Fiksujem biesprecedentnaje žadańnie ludziej być datyčnymi da abarony našaj Radzimy», — skazaŭ Viktar Chrenin.
Jon raskazaŭ, što sistema padrychtoŭki Uzbrojenych sił adaptavanaja pad sučasnyja realii vajenna-palityčnaha stanovišča.
«Zychodziačy z umoŭ abstanoŭki, jakaja na siońniašni dzień składvajecca vakoł našaj krainy, taho ŭzbrojenaha kanfliktu, jaki adbyvajecca, patrabavańniaŭ našaha hałoŭnakamandujučaha, my ŭ značnaj stupieni pierahledzieli i pierabudavali sistemu padrychtoŭki Uzbrojenych sił».
Ministr abarony raskazaŭ ab metach pravierki i asablivaściach mierapryjemstvaŭ:
«Užo treci hod zapar my pravodzim takija maštabnyja pravierki. U hetym hodzie ŭ adpaviednaści z płanam, jaki byŭ padrychtavany ŭ Hienieralnym štabie i mnoju zaćvierdžany, my vyrašyli pravieryć voinskija čaści, jakija farmiravalisia ŭ 72-m Abjadnanym navučalnym centry. Dla hetaha z zapasu byli pryzvanyja kala piaci tysiač vajennaabaviazanych».
Pa słovach Viktara Chrenina, meta pravierki — «ubačyć realizacyju spłanavanych mierapryjemstvaŭ, pravieryć techniku, jakaja stajała na zachoŭvańni, adnavić navyki vajennaabaviazanych i pavysić uzrovień padrychtoŭki našych kadravych aficeraŭ».
-
Sinod BPC vystupiŭ z zvarotam u suviazi ź nibyta hanieńniami na Ukrainskuju pravasłaŭnuju carkvu Maskoŭskaha patryjarchata
-
Kolkaść pracoŭnych mihrantaŭ vyrasła ŭ Biełarusi ŭ paŭtara raza. Raście i złačynnaść siarod zamiežnikaŭ
-
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ
Ciapier čytajuć
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m3
Kamientary
Voś jany chaj za Łukašenku i vajujuć.
Namalavanyja na papiery.