U dziejnaści bujnoj handlovaj sietki znajšli vielmi šmat parušeńniaŭ
Ministerstva antymanapolnaha rehulavańnia i handlu vyjaviła mnostva parušeńniaŭ padčas manitorynhu handlovych abjektaŭ sietki «7 piatnic», paviedamiła pres-słužba MARH.
Usiaho ŭ handlovaj sietcy «7 piatnic» bolš za 200 abjektaŭ i, pavodle infarmacyi viedamstva, parušeńni byli vyjaŭlenyja ŭ kožnym handlovym punkcie.
U pryvatnaści, jak adznačyli ŭ MARH, na ŭsich abjektach nie vykonvaŭsia pieralik tavaraŭ, abaviazkovych da prodažu, adsutničali ceńniki, nie było infarmacyi pra numar licenzii.
«U dźviuch kramach (h. Minsk, h. Mahiloŭ) źniatyja z realizacyi tavary sa skončanymi terminami prydatnaści», — havorycca ŭ paviedamleńni.
MARH nakiravaŭ rekamiendacyi pa likvidacyi parušeńniaŭ, taksama im vydadziena pradpisańnie ab zabaronie prodažu pradukcyi, u jakoj skončylisia terminy prydatnaści.
Siarod inšaha, jak adznačyli ŭ viedamstvie, jurydyčnaj asobie — ŭładalniku sietki vydadziena pradpisańnie adnosna parušeńnia zakona ab rekłamie. Parušeńnie zahadana likvidavać u trochdzionny termin.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary