Rasijskaja apazicyja identyfikavała supracoŭnika pasolstva ŭ Vilni jak aficera FSB. Heta jon spračaŭsia z Pavukom u niadzielu
Adzin z supracoŭnikaŭ rasijskaha pasolstva ŭ Vilni taksama źjaŭlajecca supracoŭnikam Fiederalnaj słužby biaśpieki Rasii. Infarmacyja pra heta ŭ čaćvier źjaviłasia ŭ bazie danych RUPEP, stvoranaj rasijskaj apazicyjaj. Baza ŭtrymlivaje źviestki pra publičnych słužbovych asobaŭ, piša LRT.
Dźmitryj Kurhuz. Skrynšot videa
Zhodna z apublikavanaj infarmacyjaj, Dźmitryj Siarhiejevič Kurhuz pracuje ŭ FSB z 2017 hoda, a ŭ Vilniu prybyŭ u 2023 hodzie.
Kurhuz byŭ adnym z dvuch čałaviek, jakija prymali ŭdzieł u incydencie 13 krasavika ź biełaruskim błohieram Andrejem Pavukom.
Błohier prybyŭ da budynka pasolstva Rasii ŭ Vilni paśla taho, jak u vyniku rakietnaha ŭdaru Rasii pa horadzie Sumy zahinuła bolš za 30 čałaviek.
Padčas kanfrantacyi Kurhuz ustupiŭ u sprečku z błohieram, a Andrej źniaŭ na videa, jak inšy supracoŭnik pasolstva — Ihar Alaksiejevič Chazaŭ — niekalki razoŭ udaryŭ jaho i na karotki čas skraŭ rovar błohiera i zavioz jaho na terytoryju pasolstva. Paśla prybyćcia litoŭskaj palicyi Chazaŭ viarnuŭ rovar.
U čaćvier palicyja Vilni paćvierdziła, što pačała administracyjnaje rasśledavańnie pa fakcie parušeńnia hramadskaha paradku supracoŭnikam pasolstva.