Kazachstan budzie vydavać «załatyja vizy»
Z takoj vizaj možna budzie atrymać dazvoł na žycharstva na 10 hadoŭ.
Stalica Kazachstana Astana. Fota: wikipedia.org / Ninaras
Pra novuju prahramu paviedamlaje Ministerstva zamiežnych spraŭ Kazachstana.
Zhodna z novymi ŭmovami, zamiežnyja hramadzianie, jakija inviestavali nie mienš za 300 000 dalaraŭ ZŠA ŭ statutny kapitał kazachstanskich kampanij abo ŭ miascovyja emisijnyja kaštoŭnyja papiery, zmohuć padać elektronnaje chadajnictva na afarmleńnie inviestarskaj vizy. Dadzienaja «załataja viza» praduhledžvaje mahčymaść nastupnaha atrymańnia vidu na žycharstva ŭ Kazachstanie terminam da 10 hadoŭ.
«Takija vizavyja prahramy, jakija atrymali šyrokaje raspaŭsiudžvańnie ŭ mižnarodnaj praktycy (u tym liku ŭ krainach Jeŭropy, ZŠA, AAE i Sinhapury), zarekamiendavali siabie jak efiektyŭny instrumient pryciahnieńnia kapitału, technałohij i dziełavoj aktyŭnaści», — piša MZS Kazachstana.
Z 1 červienia «załatyja vizy» ŭvodzić i Uźbiekistan.