Ziankovič: Łukašenka spačatku daŭ mnie i Fiadutu mianušku Vini-Puch, a paśla nazvaŭ Usamam bien Ładenam

Były palitviazień Juraś Ziankovič apisaŭ Deutsche Welle svaju sustreču sa staršynioj KDB Ivanam Ciercielem pierad vyzvaleńniem.

Juraś Ziankovič. Skrynšot ź videa

«Ja siadžu, čuju — zzadu adkryvajucca dźviery. Zachodzić spadar Cierciel. Kaža: «Ja pradstaŭlacca nie budu — napeŭna, vy mianie viedajecie».

Kažu: «Tak, viadoma, Ivan Stanisłavavič, dobra viedaju vas».

Jon kaža: «Prysiadźcie».

I paviedamiŭ mnie, što na Radzie biaśpieki było pryniata rašeńnie ab maim vyzvaleńni. Pavodle jaho słoŭ, heta asabistaja inicyjatyva spadara Łukašenki. Maŭlaŭ, byli roznyja hałasy — i «za», i «suprać». Ale asabista Łukašenka, pavodle jaho, skazaŭ: «Ziankovič — čałaviek pramavykazvalny, adkryty, sumlenny. Jaho treba vyzvalić».

Mnie padajecca, Ivan Stanisłavavič trošački sahrašyŭ suprać praŭdy, bo, zhodna ź inšymi źviestkami, Łukašenka prydumaŭ mnie čarhovuju mianušku.

Kali raniej jon nazyvaŭ mianie i spadara Fiadutu «Vini-Pucham», to hetym razam jon nazvaŭ mianie «Usamam bin Ładenam» i skazaŭ: «Zabirajcie jaho».

Kamientary da artykuła