U Dobrušy babior pryjšoŭ u palikliniku i zasnuŭ pry ŭvachodzie
Ranicaj 6 maja ŭ Dobrušy babior zajšoŭ na vulicu kniazia Paskieviča, dzie znachodziacca dziciačy sad №4 i rajonnaja paliklinika. Niezvyčajnaha «pacyjenta» zaŭvažyli rabotniki dziciačaha sada kala siomaj hadziny ranicy, piša «Dobrušski kraj».
Žyviolina vyhladała spakojnaj, ale źbitaj z pantałyku. Sproby adahnać babra nazad da raki nie mieli pośpiechu — źviarok atabaryŭsia kala hanka palikliniki i, pa słovach vidavočcaŭ, uładkavaŭsia paspać.
Ratavać situacyju ŭzialisia supracoŭniki «Dobrušskaha kamunalnika». Im udałosia złavić babra i vypuścić jaho ŭ raku. Pavodle papiarednich acenak, žyviolina nie paciarpieła i adčuvaje siabie dobra.
Pryčyny, pa jakich babior apynuŭsia ŭ centry horada, nie ŭdakładniajucca.
Čytajcie taksama:
Skvier u centry Minska ablubavali babry, jany ŭparta hryzuć drevy