Bajden: Uładzimiru Pucinu patrebna ŭsia Ukraina, a nie jaje častka
«I luby, chto dumaje, što jon spynicca, — prosta durań», — zajaviŭ eks-prezident ZŠA.
Fota: Evan Vucci / AP
Prezident Rasii Uładzimir Pucin razhladaje Ukrainu jak častku Rasii, i jaho nie zadavolić častkovaje ŭtrymańnie ŭkrainskaj terytoryi ŭ miežach mahčymaj mirnaj damovy. Pra heta zajaviŭ były prezident ZŠA Džo Bajden u razmovie z BBC News.
Hetaje intervju stała pieršym paśla taho, jak Bajden pakinuŭ Bieły dom.
Bajden nazvaŭ mahčymaść zamacavańnia za Rasijaj častki ŭkrainskich terytoryj prajavaj «sučasnaj palityki zamireńnia».
Pavodle jaho słoŭ, Pucin imkniecca adnavić upłyŭ, jaki kaliści mieŭ SSSR.
«Jon nie moža źmirycca z tym faktam, što <…> Saviecki Sajuz raspaŭsia. I luby, chto dumaje, što jon spynicca, — prosta durań», — dadaŭ Bajden.
Taksama były prezident vykazaŭ zakłapočanaść mahčymym paharšeńniem adnosin pamiž ZŠA i Jeŭropaj praz prezidenctva Donalda Trampa. Takija padziei, pa słovach Bajdena, mohuć źmianić sučasnuju historyju ŭsiaho śvietu.
Čytajcie taksama:
Ministr Trampa zhodzien, što Pucin — vajenny złačynca, ale razmovy ź im patrebnyja
Pieršaja noč pucinskaha pieramirja prajšła biez nalotaŭ bieśpiłotnikaŭ