Pieršaja noč pucinskaha pieramirja prajšła biez nalotaŭ bieśpiłotnikaŭ
U pieršuju noč abvieščanaha rasijskim lidaram Pucinym adnabakovaha trochdzionnaha pieramirja ŭ niebie nad Ukrainaj niama nivodnaha rasijskaha bieśpiłotnika-kamikadze. U toj ža čas ukrainskija krynicy paviedamlajuć pra bombavy ŭdar pa Sumskaj vobłaści, piša Bi-bi-si.
Pra pusk rasijanami płanirujučych bombaŭ pa Sumskaj vobłaści biez čverci try nočy paviedamili Pavietranyja siły USU. Niama i masiravanych nalotaŭ ukrainskich bieśpiłotnikaŭ.
U papiarednija nočy ŭkraincy zapuskali dziasiatki abo navat sotni dronaŭ u kirunku Maskvy i pa celach u inšych rehijonach Rasii, ale ŭ noč na čaćvier prychodziać tolki niepaćvierdžanyja paviedamleńni pra asobnyja drony.
Tak, u čatyry hadziny nočy pa miascovym časie (druhaja hadzina pa Maskvie i Kijevie) pra «niebiaśpieku ataki bieśpiłotnych aparataŭ» abviaścili ŭłady dalokaj ad Ukrainy Arenburhskaj vobłaści — ale paviedamleńniaŭ pra realny nalot abo stralbu SPA z taho času nie pastupała.
Akramia taho, rasijski manitorynhavy telehram-kanał «Radar.ru Pamiežža» śćviardžaje, što adzin bieśpiłotnik kružyŭ nad Razanskaj i Maskoŭskaj abłaściami. Rasijskija telehram-kanały paviedamlajuć sa spasyłkaj na miascovych žycharoŭ, što nad Lipieckam prahrymieŭ vybuch, i miarkujuć, što nad horadam byŭ źbity ŭkrainski bieśpiłotnik.
Pierad hetym ułady Lipieckaj vobłaści abviaścili pavietranuju tryvohu.
Hety vypadak mała źmianiaje ahulnuju karcinu hetaj nočy: nad Ukrainaj niama ŭdarnych bieśpiłotnikaŭ uvohule, z Rasii prychodziać paviedamleńni tolki pra adzinkavyja drony, a nie pra masiravanyja naloty.
Rasavijacyja abviaściła, što z pałovy piataha ranicy pa miascovym časie začyniła aeraport Nižniaha Noŭharada.
Aeraport začynieny z zvyčajnaj farmuloŭkaj «dla zabieśpiačeńnia biaśpieki palotaŭ hramadzianskich pavietranych sudnaŭ». Zvyčajna ŭ Rasii heta robicca pry pahrozie nalotu ŭkrainskich dronaŭ.
Ciapier čytajuć
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach1
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary