MARH razabrałasia, čamu ŭ kramach nie stała bulby
Kamisija Ministerstva antymanapolnaha rehulavańnia i handlu vyjaviła parušeńni antymanapolnaha zakanadaŭstva pry pastaŭkach bulby sa stabilizacyjnych fondaŭ, paviedamiła 10 maja pres-słužba viedamstva. Maŭlaŭ, bulbu vyvozili za miežy krainy.
U MARH udakładnili, što ŭ mižsiezonny pieryjad 2024-2025 hadoŭ, pavodle źviestak uładaŭ rehijonaŭ i Minska, u stabfondach znachodziłasia dastatkovaja kolkaść biełaruskaj bulby, pryčym vyšejšaja za płanavyja značeńni.
«Pry hetym vyniki kantrolnych mierapryjemstvaŭ, jakija pravodziacca, zvaroty hramadzian i tłumačeńni subjektaŭ handlu śviedčać pra najaŭnyja istotnyja pieraboi z pastaŭkami bulby dla realizacyi praz roźničnyja abjekty handlu», — havorycca ŭ paviedamleńni.
Pry hetym u ministerstvie paviedamili pra nieadnarazovyja vyjaŭleńni faktaŭ niezakonnaha vyvazu bulby z terytoryi Biełarusi na vialikahruznych aŭtamabilach, u tym liku i hramadzianami inšych krain.
Čytajcie taksama:
Łukašenka prakamientavaŭ situacyju z bulbaj
KDK pahražaje zakryvać kramy, kali ŭ ich niama bulby