Letaś bolš za ŭsio bulby Rasija kupiła ŭ Biełarusi, jakaja advajavała pieršaje miesca ŭ Jehipta. Abjomy rasijskaha impartu skłali 193,8 tysiačy ton.
U listapadzie 2024-ha Raśsielhasnahlad adznačaŭ, što z pačatku hoda pastaŭki bulby ź Biełarusi ŭ Rasiju vyraśli na 60,8%.
Jehipiet, jaki apuściŭsia za hod na druhoje miesca, pastaviŭ 75,3 tysiačy ton bulby na 47,9 miljona dalaraŭ, padličyła RIA Naviny pa dnych płatformy AAN Comtrade, nacyjanalnych statystyčnych partałaŭ i pa adkrytych danych.
Zamknuŭ trojku Kitaj, jaki padniaŭsia na dva radki — 46,7 tysiačy ton na 17,3 miljona dalaraŭ. Pry hetym Kitaj ŭpieršyniu z 2019 hoda znoŭ zmoh uvajści ŭ trojku hałoŭnych pastaŭščykoŭ bulby ŭ Rasiju.
Paśla raźmiaścilisia Azierbajdžan — 42,5 tysiačy ton (18,3 miljona dalaraŭ) i Hruzija — 8,4 tysiačy ton (3,3 miljona dalaraŭ). Zamknuli top-10 eksparcioraŭ Kazachstan (4,4 tysiačy ton), Pakistan (2,3 tysiačy ton), Kirhizija (1,1 tysiačy ton), Sierbija (566 ton) i Hiermanija (293 tony).
Macniej za ŭsio za hod Rasija naraściła impart bulby z Armienii — u 805 razoŭ (da 116 ton), Turcyi — u 47 razoŭ (da 24 ton), Hruzii — u 7 razoŭ, Kitaja — u 5 razoŭ i Kirhizii — u 3,2 razu.
Ciapier čytajuć
Čamu my prajhrali ŭ 2020 hodzie? Razvahi Mikoły Dziadka21
Kamientary