Karpiankoŭ zajaviŭ, što 90% navabrancaŭ chočuć słužyć pa kantrakcie
17 maja pryzyŭniki ŭnutranych vojskaŭ Biełarusi pryniali prysiahu. 260 čałaviek zrabili heta ŭ vaskovaj čaści 3214, jakaja zapomniłasia ŭdziełam u 2020-m hodzie ŭ razhonie mirnych pratestaŭ. U čaści prysutničaŭ i namieśnik ministra ŭnutranych spraŭ, kamandujučy ŭnutranymi vojskami Mikałaj Karpiankoŭ, paviedamlaje STB.
Mikałaj Karpiankoŭ. Fota: STB
«My ŭkamplektavanyja bolš čym na 100%. Pryjšło vielmi dobraje maładoje papaŭnieńnie, kreatyŭnyja chłopcy z dobrym pačućciom humaru, z dobraj adukacyjaj, vydatnyja spartsmieny», — zajaviŭ Karpiankoŭ.
Jon zajaviŭ, što pryzvanyja maładyja ludzi, maŭlaŭ, «vielmi vysoka maralna zaradžanyja».
«Za hetyja try tydni ŭžo 90% vykazała žadańnie słužyć pa kantrakcie. I jany kažuć: «My chočam słužyć u śpiecnazie, my zaradžanyja, i my budziem vykonvać zadačy tam, kudy nas pašle Radzima», — skazaŭ namieśnik ministra ŭnutranych spraŭ.
Čytajcie taksama:
Karpiankoŭ raskazaŭ, jak uzmacnili achovu kałonij — «źbiehčy praktyčna niemahčyma»