Pucin paviedamiŭ, pra što havaryŭ z Trampam
Razmova praciahvałasia bolš za 2 hadziny.
Pucin zajaviŭ Trampu, što spynieńnie ahniu z Ukrainaj mahčyma paśla dasiahnieńnia adpaviednych damoŭlenaściaŭ. U miemarandum Rasii i Ukrainy mohuć uvajści pytańni spynieńnia ahniu i pryncypy ŭrehulavańnia. Rasija i Ukraina pavinny znajści kampramisy, jakija zadavalniajuć abodva baki.
«My damovilisia z Trampam pra toje, što Rasija hatovaja pracavać z Ukrainaj nad miemarandumam z nahody budučaj mirnaj damovy, u jaho ŭvojduć pryncypy, terminy, a taksama mahčymaje spynieńnie ahniu na peŭny čas u vypadku dasiahnieńnia adpaviednych damoŭlenaściaŭ», — zajaviŭ Pucin.
U kancy zajavy jon adznačyŭ «nieabchodnaść likvidacyi pieršapryčyn ukrainskaha kryzisu».
U cełym hutarku z Trampam jon acaniŭ jak kanstruktyŭnuju, a adnaŭleńnie kantaktaŭ u Stambule havoryć pra toje, što baki «ŭvohule na pravilnym šlachu».
Donald Tramp nieŭzabavie taksama vystupić z zajavaj ab pieramovach z Pucinym, piša CNN sa spasyłkaj na nienazvanaha pradstaŭnika Biełaha doma.
Čytajcie taksama:
«Pucin nie viedaje, jak vyjści z vajny». Vens zajaviŭ pra tupik va ŭkrainskim urehulavańni
Mierc: Jeŭropa dalokaja ad taho, kab havaryć ab uviadzieńni vojskaŭ va Ukrainu