«Pucin nie viedaje, jak vyjści z vajny». Vens zajaviŭ pra tupik va ŭkrainskim urehulavańni
U Biełym domie ličać, što praces urehulavańnia kanfliktu va Ukrainie zajšoŭ u tupik. Pra heta zajaviŭ vice-prezident ZŠA Džej Dzi Vens, pieradaje Sky News.
Pa słovach Vensa, vidavočna, što kiraŭnik rasijskaj dziaržavy Uładzimir Pucin «nie viedaje, jak vyjści z vajny». Mienavita tamu prezident ZŠA Donald Tramp i źbirajecca pierahavaryć ź im pa telefonie 19 maja.
«My razumiejem niekatoruju tupikovaść situacyi. Prezident źbirajecca skazać Pucinu: «Pasłuchajcie, vy surjozna nastrojenyja? Jość šmat ekanamičnych vyhod ad paciapleńnia stasunkaŭ pamiž Rasijaj i astatnim śvietam, ale vy nie atrymajecie hetych vyhod, kali praciahniecie zabivać mnostva niavinnych ludziej», — zajaviŭ Vens.
Ź jahonaha punktu hledžańnia, kali Rasija nie hatovaja da dyjałohu, to «ŭ kančatkovym vyniku ZŠA pavinny skazać, što heta nie naša vajna».
«Prezident Tramp jasna daŭ zrazumieć: Złučanyja Štaty nie majuć namieru taptacca na miescy. Nam patrebnyja vyniki. Pieramovy iduć užo niejki čas, my bačym peŭny tupik».
Siońniašni zvanok Trampa Pucinu — treci z momantu jahonaj inaŭhuracyi. Papiarednija adbylisia 12 lutaha i 18 sakavika.
Tramp i Pucin praviaduć telefonnuju razmovu a 17-j
TASS dvojčy mianiała zahałovak dla kamientara Ejsmant pra pieramovy ŭ Stambule
Mierc: Jeŭropa dalokaja ad taho, kab havaryć ab uviadzieńni vojskaŭ va Ukrainu
Stali viadomyja ŭsie ŭltymatyŭnyja patrabavańni Rasii na pieramovach u Stambule
Tusk paśla razmovy z Trampam: Nas čakajuć vielmi ciažkija dni
Makron i Starmier upeŭnienyja, što stanovišča va Ukrainie źmienić tolki cisk na Maskvu
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary
Da i nie zrazumieła, hatova li Ŭkraina padpisać bolš mienš nie błahuju mirnuju damovu.