Raskamnahlad źviartaŭsia na Amazon z patrabavańniem vydalić lusterka biełaruskaha vydańnia
Rasijskaja fiederalnaja słužba «Raskamnahlad» padała skarhu na chostynh Amazon z patrabavańniem vydalić lusterka (alternatyŭnuju kopiju sajta) biełaruskaha vydańnia «Novy čas», jakoje daje čytačam ź Biełarusi i Rasii mahčymaść abychodzić błakiroŭki.
Zdymak ilustracyjny
Skarha nie ŭtrymlivała kankretnych źviestak pra nibyta niezakonny kantent abo parušanyja zakony, tolki patrabavańnie vydalić uvieś damien. Redakcyja «Novaha času» ŭ adkaz zajaviła, što dziejničaje ŭ miežach mižnarodnaha i jeŭrapiejskaha prava, a skarhu rasceńvaje jak sprobu dziaržaŭnaj cenzury i cisku na niezaležnyja ŚMI z boku ŭładaŭ Rasii i Biełarusi.
Amazon pryniaŭ arhumienty «Novaha času» i nie zabłakavaŭ lusterka. Sajt byŭ pieranaładžany i ciapier znoŭ dastupny ź Biełarusi i Rasii bieź nieabchodnaści VPN.
Čytajcie taksama:
Rasijskija ŭłady ŭ 2024 hodzie zapatrabavali ad Google vydalić rekordnuju kolkaść kantentu