Hiendyrektara Biuro pa transpartnym strachavańni zvolnili z-za karupcyi

Hienieralnaha dyrektara Biełaruskaha biuro pa transpartnym strachavańni Antona Aŭsiejku zvolnili z pasady z-za parušeńniaŭ, źviazanych z karupcyjaj. Adpaviednaje rašeńnie ŭtrymlivajecca ŭ pastanovie Savieta Ministraŭ №278 ad 20 maja, apublikavanym na Nacyjanalnym pravavym internet-partale.

Anton Aŭsiejka. Fota: Biełaruskaja asacyjacyja aŭtastrachaŭščykoŭ

U dakumiencie adznačajecca, što zvalnieńnie adbyłosia «ŭ suviazi z učynieńniem pravaparušeńnia, jakoje stvaraje ŭmovy dla karupcyi abo karupcyjnaha pravaparušeńnia». Padstava — punkt 51 častki 1 artykuła 47 Pracoŭnaha kodeksa Respubliki Biełaruś.

Anton Aŭsiejka ŭznačalvaŭ biuro z 2009 hoda. Hetaja arhanizacyja była stvorana ŭ 1999 hodzie dla realizacyi abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ. U skład abjadnańnia ŭvachodziać kampanii «Biełdziaržstrach», «Asoba», «Biełnaftastrach», «Pramtransinviest», «TASK», «Biełeksimharant».

Z 2003 da 2023 hoda biuro ŭvachodziła ŭ mižnarodnuju sistemu strachavańnia «Zialonaja karta». Paśla vyklučeńnia Biełarusi i Rasii z hetaj sistemy z-za sankcyj jany stvaryli svaju — «Siniuju kartu». A z 23 krasavika 2025 hoda pačała pracavać abjadnanaja rasijska-biełaruskaja aŭtastrachoŭka.

Kamientary da artykuła